+30 °С
Ясно
Былар ҡыҙыҡлы
28 Июня 2021, 08:53
Ун бәхетле Һөнәр эйәһе
Ҡайһы бер кеше хеҙмәт хаҡы алыр өсөн генә эшләй. Вазифаһын теүәл, еренә еткереп башҡара.
Робот шикелле, көндән-көн, айҙар, йылдар буйына бер үк бурысты үтәй. Тик хеҙмәтенән ҡыуаныс ҡына кисермәй, уға ижади ҡарамай.
Ә кемдәрҙер өсөн һөнәре – бәхет, ижади уңыштар яулау урыны, талантын аса торған ер, үҙен күрһәтеү өлкәһе.
Ғалимдар шуны асыҡлаған: кешеләр хаҡында хәстәрлек күргән, үҙеңдең һәләтеңде, ижадыңды сағылдыра алырлыҡ бәхетле һөнәрҙәр ҙә бар икән. Уларҙы башҡарыусылар рухи ҡәнәғәтлек кисерә. Бәхетле һөнәрҙәрҙең исемлеге түбәндәгеләрҙән ғибәрәт:
1. Дин әһелдәре.
2. Янғын һүндереүселәр.
3. Физиотерапевтар.
4. Яҙыусылар.
5. Махсус мәктәптәрҙә белем биреүселәр.
6. Уҡытыусылар.
7. Рәссамдар.
8. Психологтар.
9. Финанс хеҙмәттәрен күрһәтеү буйынса һатыу агенттары.
10. Инженер системалары операторҙары.
Күреүегеҙсә, был һөнәрҙәр матди яҡтан әллә ни табыш килтерә торғандарҙан түгел. Әммә улар кешеләргә тормоштарынан ҡәнәғәтләнеү тойғоһо алырға, шатланып йәшәргә ярҙам итә.
Фото: grafamania.net
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
