Октябрь айына йондоҙнамә

Буға ♉. Яҡындарыңа иғтибар бүл. Тап ғаилә ағзалары һәм дуҫтарың һиңә илһам сығанағы булып торор. Спорт менән шөғөллән – ауырыуҙар һағалап ҡына тора.

Игеҙәктәр ♊. Барыһы ла үҙ яйы менән тыныс бара, һине яратып ҡына торалар. Хатта ниндәйҙер кимәлдә әпәүләйҙәр ҙә, шикелле. Үҙең дә ялҡып китеүең бар. Мәктәптә үҙеңде яҡшы яҡтан күрһәтә алырһың.

Ҡыҫала ♋. Үткән айҙы иҫеңә төшөр, һығымталар яһа. Барыһы ла яҡшы булыр. Яңы танышлыҡтар көтә. Уҡыған ереңдә иғтибар үҙәгендә булырһың.

Арыҫлан ♌. Үҙеңде бөтә яҡлап һаҡла! Һаулығыңа иғтибар бүл. Бар нәмәне уйлап эшлә. Ғаилә ағзаларың ҙур терәк булып торор.

Ҡыҙ ♍. Гел башҡаларға ярҙам итеп тик йөрөйһөң, үҙеңә лә ваҡыт етте түгелме? Ял ит, күңел ас, сараларға йөрө. Кәйефең күтәрелеп китер.

Үлсәү ♎. Хәтәр сюрприздар көтә һине! Уйламағанда сәйәхәткә сығырһың. Тағы ла ғаиләң менән ваҡыт күңелле уҙыр.

Саян ♏. Уйламай эш итә күрмә. Былай ҙа ниндәйҙер конфликт сығырға торған һымаҡ. Тыныс һәм иғтибарлы булһаң, барыһы ла еңел хәл ителер.

Уҡсы ♐. Һин үҙеңә ниндәйҙер мажара эҙләйһең. Бер үк нәмә ялҡытып киткән кеүек. Тойғоларға бирелмә. Лутсы яҡшы ғына ял ит, дуҫтарың менән күреш.

Кәзәмөгөҙ ♑. Яҡындарың һинең ярҙамыңа мохтаж. Ғаилә байрамдары ла сығырға тора. Тимәк, был айҙа гел туғандарыңа иғтибар кәрәк.

Һыуғояр ♒. Ох, ҡыҙыҡлы һәм ваҡиғаларға бай ай килә! Элекке дуҫтарың шылтыратыуы бар. Ярҙам һорарҙар. Ҡаршы килмә.

Балыҡ ♓. Шәхси тормошоң да, уҡыуың да, һаулығың да зарланырлыҡ түгел. Шулай ҙа арыған кеүекһең. Яңы шөғөл тап йә сағыу кейем һатып ал.