+13 °С
Болотло
TelegramVKOK
Бөтә яңылыҡтар
Былар ҡыҙыҡлы
15 Декабрь 2023, 20:00

Бөжәктәр ҡайҙа ҡышлай?

«Көндәр йылы саҡта бөжәктәр һауала ла, ерҙә лә тулып йөрөй. Серәкәй, се­бен, ҡырмыҫҡа, ҡуңыҙ, сиңерткә һәм башҡалар көндәр һыуыта башлау менән юҡҡа сыға. Ҡышҡыһын ҡайҙа булалар, нисек туңмайҙар икән? Асҡар Ҡунафин, 8 йәш. Ғафури районы».

Бөжәктәр ҡайҙа ҡышлай?
Бөжәктәр ҡайҙа ҡышлай?

Һорауға Өфө ҡалаһының экология-биология үҙәге директоры Әлфиә Ҡаһарман ҡыҙы ҺӨЙӨНДӨКОВА яуап бирҙе.

Япраҡлы «юрған»
Бик күп бөжәктәр кипкән үлән, ҡойолған япраҡ йәки серек ағас төптәрендә ҡышлай. Әгәр ҡышҡыһын серек япраҡтарҙы әйләндерһәң, аҫтында йоҡлап ятҡан күп күсмәкәйҙәрҙе күрергә мөмкин.
Һалҡын көндәр етеү менән һағыҙаҡтар һәм иңкештәр ояларын ҡалдырып китә. Улар ағас төптәрендә йәки ҡайыр аҫтында ҡышлай. Ҡу­ңыҙҙар ағас тамырҙары ара­һында йәки серек бүрәнә эсендә һыуыҡтан йәшеренә.
Йылы «шәл»
Йәй биҙәктәре – күбәләктәр көндәр һалҡынайыу менән үлеп бөтә. Ә бына киләһе йыл күбәләккә әйләнәсәк ҡарышлауыҡтар бирешмәй. Уларҙы һыуыҡтан үҙҙәре үргән ау һаҡлай. Йылы «шәл»гә төрөнгән ҡарышлауыҡтарҙы ҡурсаҡ тип атай­ҙар.
Ҡышҡы өй
Ҡыш ҡарҙы һыпырып ҡырмыҫҡа иләүен ҡараһаң, унда бер ҡырмыҫҡаны ла тапмаҫ­һың.
Эшһөйәр бөжәктәрҙең ҡышлай торған урыны ер аҫтында, бик төптә урынлаш­ҡан. Бындай тәрәнлектә ер ҡышҡыһын туңмай, шуға ла унда йылыраҡ. Туңып үлмәҫ өсөн ҡырмыҫҡалар бер-береһенә ныҡ итеп һыйынып йоҡлай.

Автор:"Йәншишмә" гәзите
Читайте нас: