***
Юлбарыҫтың йөнөн ҡырғас, ул барыбер ҡара һыҙыҡлы булып ҡаласаҡ, сөнки тиреһе лә буй-буй һүрәтле.
***
Крокодилдарға ҡарау менән ҡурҡыныс булып китә, шулаймы? Тик был мәғлүмәтте уҡығас, үҙҙәрен ҡыҙғанып та ҡуйырһығыҙ әле: улар телдәрен һуҙып сығара алмай. Уға ҡыйын түгелме икән?
***
Мөгөҙморондоң мөгөҙө һөйәктән тора, тип уйлайһығыҙмы? Юҡ шул. Һөйәк һымаҡ ҡаты булһа ла, ул бер-береһенә ныҡ тығыҙ итеп йәбешкән ҡылдарҙан тора.
***
Ҡайһы бер хайуандар ҡышҡылыҡҡа йоҡоға тала бит инде. Ә бына йылан хатта өс йыл буйы уянмай ята ала. Һинең иң күбе нисә сәғәт йоҡлағаның бар?
***
Бал ҡортон иң ҡупшы бөжәк тип атарға мөмкин, сөнки ул һәр саҡ үҙе менән «тараҡ» йөрөтә. Алғы боттарындағы ҡаты йөндәр, ысынлап та, тараҡҡа оҡшаған. Нәҙекәйбил улар менән мыйыҡтарын таҙартып һәм «тарап» тора.
***
Яҡты донъяла бер генә көн йәшәй алған күбәләктәр тураһында ишеткәнең бармы? Улар бөтөнләй ашамай, сөнки ауыҙҙары юҡ. Шулай ҙа йәлләргә ашыҡмағыҙ: балағорт саҡтарында был күбәләктәр ике-өс йыл йәшәй һәм бик күп ашай икән.
***
Баҡа һыуҙы эсмәй, ә тиреһе аша һеңдерә.