+9 °С
Болотло
TelegramVKOK
Бөтә яңылыҡтар
Былар ҡыҙыҡлы
11 Ғинуар , 18:00

“Һомай” башҡортса йырлай

Тиҙҙән “Ошоно тап, шуны йырлат” тип Алисаға түгел, ә Һомайға мөрәжәғәт итәсәкбеҙ. Башҡортса аҡыллы колонка әлегә һатыуҙа юҡ. Шулай ҙа Башҡорт телен һаҡлау һәм үҫтереү фонды бер нисә “Һомай”ҙы балалар баҡсаларына бүләк итте. Улар Башҡортостан Республикаһы Башлығы гранты иҫәбенә етештерелгән.

“Һомай” башҡортса йырлай
“Һомай” башҡортса йырлай

Аҡыллы колонканы башҡортса һөйләшергә өйрәткән программист Айгиз Ҡунафин белдереүенсә, әлегә 40 “Һомай” әҙер. Шуларҙың алтауһын Өфөнөң – 40-сы, 75-се, Шамониндың – “Аҡбуҙат”, Баймаҡ ҡалаһының – “Айыуҡай”, Хәйбулла районы Аҡъяр ауылының “Бәпембә” балалар баҡсаларына һәм Ауырғазы районы Төрөмбәт мәктәбенең мәктәпкәсә төркөмөнә тантаналы рәүештә тапшырҙылар. Февраль айында йәнә 200 колонка мәктәптәргә оҙатыласаҡ.

Йомаҡтар, йырҙар, әкиәттәр яҙҙырылған замана техникаһы – балалар ойошмалары өсөн кәрәкле ҡулланма. Кескәйҙәр тауыш ассистенты менән әңгәмә ҡороу юлы аша телебеҙҙе өйрәнә, аралашыу кимәлен үҫтерә. Әлегә колонкалар балалар баҡсаларында һыналасаҡ, артабан, әгәр ҙә табылһа, етешһеҙлектәре бөтөрөләсәк, яңы мәғлүмәттәр менән тулыландырыласаҡ.

 

 

“Һомай” башҡортса йырлай
“Һомай” башҡортса йырлай
“Һомай” башҡортса йырлай
“Һомай” башҡортса йырлай
Автор:Лилиә Фазлетдинова
Читайте нас: