+15 °С
Ямғыр
TelegramVKOK
Бөтә яңылыҡтар
Былар ҡыҙыҡлы
28 Март , 15:10

Апрель айына йондоҙнамә

Ҡуҙы ♈ аптырауға ҡалыр: эшләргәме, ял итергәме? Был айҙа һин ҡышҡы йәрминкәләге эҫе бәлеш кеүекһең – барыһына ла кәрәкһең. Шулай булғас, график төҙөп ал: уҡыуҙан һәм түңәрәктәрҙән һуң ялға ла ваҡыт табылыр.

Апрель айына йондоҙнамә
Апрель айына йондоҙнамә

Буғаны һуңғы биш йылдың иң сағыу айҙарының береһе көтә, ти йондоҙҙар. Был тылсымлы осорҙа киләсәккә нигеҙ һалынасаҡ. Икенсе яҡтан, былтырғы орлоҡтар уңыш килтерергә тейеш – тырышлығыңдың һөҙөмтәһе күренер.

Игеҙәктәр нимә һайларға белмәй йонсор. Бар нәмәне ташлап, ял иткеләре килер. Әммә мәктәптә лә ҡыҙыҡлы ваҡиғалар булып ҡына торор. Шуға ялҡауланмаһындар.

Ҡыҫалаға  көрәшергә һәм эҙләргә, табырға һәм бирешмәҫкә кәрәк. Тыныслыҡ һөйөүсе ҡыҫалалар был осорҙа агрессорға әйләнеп китеүе бар. Хатта дуҫтары унан алыҫ тороуҙы хуп күрер.

Арыҫлан яҡшы ғына мәл көтә. Элекке пландарың, маҡсаттарың ҡабаттан актуаль булып китер. Икенсе яҡтан, ҡайһы бер өмөттәр аҡланмауы ла бар. Төшөнкөлөккә бирелмә!

Ҡыҙҙарға хыял диңгеҙендә генә йөҙөп йөрөмәҫкә ҡушыла. Уйҙарҙы тормошҡа ашырырға ынтылыу ҙа мөһим. Көндәлегеңә буласаҡ һәр аҙымыңды яҙып ҡуй.

Үлсәүҙәр үҙ һүҙле, ашығыусан, тотанаҡһыҙ булып китер. Был уларға бөтөнләй хас түгел! Тынысланырға кәрәк, юғиһә, һаулыҡҡа зыян килеүе бар.

Саян . Әллә ни әүҙемлек күрһәтмәй генә үткәр был айҙы. Һинән артыҡ нәмәләр талап ителмәй, тыныс бул, теләһә нәмәгә иҫең китмәһен.

Уҡсыларҙың кәйефе шәп булыр. Етеҙ, дәртле йөрөрҙәр. Бер нисә ваҡ мәсьәләне хәл итеү ҙә быға ҡамасауламаҫ.

Кәзәмөгөҙгә кәңәш: һаҡһыҙлығың арҡаһында ниндәйҙер тоҙаҡҡа эләгеүең бар. Хатта яҡындар менән дә артыҡ аралашмаҫҡа кәңәш ителә.

Һыуғояр үҙенең теләгәнен генә эшләп маташыр, башҡаларҙы тыңламаҫ. Кем меннәдер һүҙгә килеүе лә бар.

Балыҡтарға апрель айы ыңғай үҙгәрештәр вәғәҙәләй. Барыһы ла яҡшы яҡҡа табан бара.

 

Автор:Лилиә Фазлетдинова
Читайте нас: