Халыҡ-ара китап йәрминкәһендә ҡатнашыусылар был юлы ла күп булыуы көтөлә. Былтыр, мәҫәлән, 16 төбәк вәкилдәре килгәйне: Татарстан, Сыуашстан, Дағстан, Мордовия, Удмуртия, Белоруссия, Ҡаҙағстан, Ҡырғыҙстан...
Республикабыҙ нәшриәттәре үҙ-ара көс һынашасаҡ – иң яҡшы китаптар билдәләнәсәк. Башлап ҡәләм тирбәтеүселәр ҙә үҙен күрһәтә аласаҡ. Күргәҙмәләр, әҙәби кисәләр, түңәрәк өҫтәлдәр, балалар өсөн саралар һәм башҡа акциялар көтөлә.