Иң бәләкәй буйлы халыҡ ниндәй илдә йәшәй?

* Донъяла иң бәләкәй буйлы кешеләр Японияла йәшәй.
* Ер йөҙөндә уртаса иң оҙон буйлылар булып голландтар һанала.
* Бер кеше үҙ ғүмерендә яҡынса 10 000 литр һыу эсә, 1 000 килограмм төрлө май­ҙар, 7 000 килограмм икмәк, 2 000 килограмм ит, 4 000 килограмм балыҡ, 5 000 килограмм картуф, 5 000 дана йомортҡа, 500 килограмм тоҙ ашай.
* Кеше аҙыҡһыҙ – алты аҙна, ә һыуһыҙ биш-ете тәүлек кенә йәшәй.
* Асыҡҡанлыҡ бер телем икмәк ашағандан һуң 20 минут үткәс бөтә икән.
* Кешенең 50 грамлы, оҙонлоғо 9 сантиметрлы теле 17 мускулдан тора.
* Кеше кәүҙәһендә 200-220 миллион күҙәнәк бар. Был күҙәнәктәрҙең ғүмере 5 көндән артмай. Бер минутта 1 миллион күҙәнәк барлыҡҡа килә.
* Йөрәктең ауырлығы – 300 грамм. Ул бер минутта 75 тапҡыр тибә, һәр сәғәт һайын 360 литр ҡанды хәрәкәтләндерә, ғүмер эсендә 3 миллиард тибеш яһай.
* Биш литр ҡан йөрөгән тамырҙарҙың оҙонлоғо – 200 мең километр, йәғни Ер шарын 5 тапҡыр урап сығыр ине. Бер ҡулдан икенсе ҡулға ҡан 15 секундта барып етә. Тамырҙарҙағы ҡан тәүлек эсендә 97 мең километр ара үтә.
* Кеше айына – 240 сәғәт, йылына 2880 сәғәт йоҡлай. Был 120 көн тигән һүҙ. Үҙ ғүмерендә кеше 25 йылын йоҡоға сарыф итә.
* Кешеләр – тере йәндәр араһында арҡаһында йоҡлай торған берҙән-бер зат.
* Леонардо да Винчи һәр дүрт сәғәт һайын 15-әр минут серем итеп алған. Наполеон Бонапарт тәүлегенә 4 сә­ғәт кенә йоҡлаған. Атаҡлы философ Кант шул тиклем оҙаҡ йоҡлай алған, хатта хеҙмәтсеһенә үҙен уятырға ҡушып ятырға мәжбүр булған. Вольфганг Гёте һәм Уинстон Черчилль иртәнге сәғәт 4-кә тиклем эшләп ултырған. Атаҡлы уйлап табыусы һәм эшҡыуар Томас Эдисон 65 йәшенә тиклем 20-шәр сәғәт эшләгән. Иосиф Сталин да бик аҙ йоҡлаған. Бөйөк Ватан һуғышы йылдарында уның тәүлектең теләһә ҡайһы мәлендә шылтыратыуын белеп торғандар.
* Украинаның Могилёв ауылында 1920 йылда тыуған Надежда Лебидина – донъя­ла иң оҙаҡ йоҡлаған кеше. Ул 1954 йылда йоҡоға тала һәм 1974 йылда ғына уяна.
* Кеше организмы йүгергән саҡта хәрәкәт итмәгән мәлдәгегә ҡарағанда 7 тап­ҡырға күберәк энергия сарыф итә.
* Кеше көн һайын – бер сәғәт, ә ғүмере дауамында ике йыл ярым тирәһе һөйләшә. Әгәр һөйләгәндәребеҙҙе яҙып барһаҡ, һәр береһе 400 битлек мең том килеп сығасаҡ.
* Донъяла бармаҡ эҙҙәре бер төрлө ике кеше юҡ.
* Көн һайын 15 минут көлөү йылына 2 килограмм ауырлыҡты кәметергә булыша.
* Көлгән саҡта организмдағы 80 мускул хәрәкәткә килә.
* Балалар көнөнә – уртаса 400 тап­ҡыр, ә ололар 15 тап­ҡыр көлә.
* Кеше йоҡлағанда 340 грамға тиклем ауырлығын юғалта.
* Зәңгәр күҙлеләр ҡараңғыла яҡшыраҡ күрә.
* Кеше көнөнә – уртаса 20 мең, бер йыл буйына – 7 миллион, ә тормошоноң 70 йылында 500 миллионға яҡын аҙым яһай. Был юл яҡынса Ерҙән алып Айға тиклем булған араға тигеҙ.
* 63 йәшлек инглиз ҡатыны Барбара Мур 41 сәғәт 40 минутта бер туҡтамай 269 саҡрым ер атлай.
* Кеше организмындағы тимер бәләкәй ҡул сәғәтенең кескәй генә бер шөрөбөн эшләргә етер ине.
* Һары сәс составында алтын бар.
* Самолётта осҡан ваҡытта кешенең сәсе ике тапҡыр тиҙерәк үҫә.
* Сәс көнөнә – 0,33 миллиметр, бер йылда – 12 сантиметр, тотош йәшәү дәүерендә 7 метрға тиклем үҫә.
* Әгәр йүгереүсе кешенең аяҡтары ҡырмыҫҡаныҡы кеүек ҡыҙыу хәрәкәт итһә, уның йүгереү тиҙлеге сәғәтенә 1500 километрға етер ине.
* 2200 метр бейеклегендәге тау түбәһендә урынлашҡан Әзербайжандың Пирассура ауылы кешеһе Мәхмүт Әйүәзов – 152, Англияла почта хеҙмәткәре Роберт Тейлор 133 йыл йәшәй.
* Боронғо грек фәйләсуфы һәм драматургы Софокл 89 йәшендә «Эдип в Колоне» трагедияһын ижад итә, Джузеппе Верди 75 йәшендә «Отелло» операһын тамамлай, ә 80-дә һуңғы операһы «Фальстаф»ты яҙа.
* Актриса Сара Бернар 70 йәшендә 13 йәшлек Джульеттаны сәхнәлә уйнай.
* Испаниянан Хорхе Каморро 200 сәғәт 20 минут буйы бер туҡтауһыҙ йырлаған.
* Һиндостан кешеһе Шри Реви, 34 сәғәт буйы бер аяғында баҫып тороп, донъя рекорды ҡуйған.