+12 °С
Ямғыр
Бөтә яңылыҡтар
Хикәйәләр
3 Июль 2020, 12:38
Иң ҙур бүләк
Хикәйә
Әҙилә менән Ғәҙилә – игеҙәктәр. Икәүләшеп бер синыфта уҡыйҙар. Әсәләре уларға көн һайын кеҫәлек аҡса бирә. Ҡыҙҙар һумдарын әрәм-шәрәм итмәй, артҡанын йыя бара. Бер көн иҫәпләп ҡарағайнылар, байтаҡ ҡына булып киткән. Икеһенеке лә – бер меңешәр һум. Нимә алырға икән, тип хыяллана башланылар.
– Мин тыуған көнөмә матур күлмәк һатып алам, – ти Ғәҙилә.
– Ә миңә сумка кәрәк, – ти Әҙилә.
Көн һайын уларҙың хыялдары үҙгәрә торҙо: телефон, алтын беләҙек… Тик ниңәлер төплө ҡарарға килә алманылар.
Бер көн кис күрше ҡалала йәшәгән өләсәйҙәре шылтыратып, ейәнсәрҙәренең тыуған көнөнә килә алмаясағын хәбәр итте. Яңыраҡ сирләп алған икән. Юлға тигән аҡсаны дарыуҙарға тотонорға тура килгән. Әсәһе менән ҡыҙҙарҙың кәйефе төштө, өләсәйҙе бик һағынғандар ине.
Иртәгеһенә Әҙилә менән Ғәҙилә өләсәйҙең юлына аҡса ебәр, тип үҙҙәре йыйған аҡсаларын әсәләренә бирҙе.
– Ҡыҙҙар, ә һеҙ бит йыл буйына нимәлер алырға хыял итә инегеҙ түгелме ни?
– Юҡ! Әсәй, беҙ барыбер нимә алырға аныҡ ҡына уйламаныҡ. Ә өләсәй килһә, беҙгә был иң ҙур шатлыҡ һәм ҙур бүләк буласаҡ! – тип яуап бирҙе улар бер тауыштан.
Сафинә ХӘКИМОВА-ФӘТХЕТДИНОВА, «Аҡ ҡауырһын» әҙәби берекмәһе етәксеһе.
Магнитогорск ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж