-4 °С
Болотло
Бөтә яңылыҡтар
Һеҙҙең өсөн әңгәмә
15 Ғинуар 2021, 12:48
Быйыл да һынатмаҫтар әле
Уҙған Сысҡан йылы бигерәк аптыратты. Бөтә донъя һәм илебеҙ буйлап таралған ауырыу бөтәбеҙгә лә ҡыйынлыҡтар тыуҙырҙы. Беҙҙе өйҙәребеҙҙә уҡырға мәжбүр итте. Күп һабаҡтар ҙа бирҙе. Шуға ҡарамаҫтан, икенсе сиректе бик уңышлы ғына тамамлап ҡуйҙыҡ.
Әле бына Һыйыр йылы килде. Минең уйлауымса, был йондоҙлоҡта көслө, ҡыйыу, аҡыллы, тәүәккәл һәм түҙемле кешеләр тыуған. Киләсәккә ҙур маҡсаттар ҙа билдәләргә була. Йыл хужаһы үҙенең тыныс, ипле булыуы менән күптәргә оҡшар.
Ошо турала 2021 йылдың хужалары – бишенселәр менән әңгәмә ҡорҙом әле.
– Миңә уҙған йыл бигүк оҡшап етмәне, сөнки өйҙә уҡыуы ауыр булды. Күп кенә темаларҙы аңлай алманым, математиканан миҫалдар сисеү ҡыйын бирелде. Ошо коронавирус арҡаһында инде, – ти Ислам Хәсәнов.
– Ә яңы 2021 йылды нисегерәк күҙ алдына килтерәһең һуң? – тип һорайым үҙенән.
– Бөтәһе лә яҡшы булыр, – тип яуапланы Ислам.
Уға Мансур Наураҙбаев та ҡушыла:
– Һәр хәлдә, былтырғынан һәйбәтерәк буласаҡ инде.
Һыйыр йылында донъяға килгән Инсаф Рәхимов үҙе хаҡында бына нимәләр һөйләне:
– Һыйыр малдары кеүек, йәшел төҫлө ашамлыҡтар яратам. Мәҫәлән, яланда үҫкән ҡаҡы, ҡуҙғалаҡ, йыуа, ә емеш-еләктән виноград, алма оҡшай. Шулай уҡ урманда, ялан-ҡырҙарҙа йөрөргә тырышам. Сөнки тәбиғәткә сығып ял итеүҙәре бигерәк күңелле бит. Унда сылтырап аҡҡан шишмә һәм йылға һыуы эсеп, көс һәм дәрт өҫтәп ҡайтаһың.
Ә Һыйыр йылына ниндәй пландар ҡораһығыҙ, тигән һорауыма бер тауыштан:
– Үҙ мәктәбебеҙҙә тик яҡшы билдәләргә генә уҡырға, ауырымаҫҡа, төрлө конкурстарҙа ҡатнашырға, түңәрәктәргә йөрөргә булһын, – тинеләр.
Эйе, ысынлап та, уҙған 2020 йыл ҡырыҫыраҡ булды шул. Бөтә уҡыусыларҙың да күңелдәрендә шулай уйылып ҡалғандыр. Ни генә тиһәк тә, бөтә мәктәптәрҙә лә балалар тауышы тынмаһын. Сөнки улар ҡанатты белем усағында нығыта бит.
Азамат ҠАРАҒОЛОВ.
Бөрйән районы,
Байназар мәктәбе.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж