-2 °С
Болотло
Бөтә яңылыҡтар
Һеҙ табынған йондоҙҙар
11 Ғинуар 2018, 16:29
Йырла, егет, киреп киң күкрәгең!
Әгәр ҙә минән: «Башҡорт эстрадаһында иң-иң яратҡан йырсың кем?» – тип һораһалар, уйлап та тормай, Сәйет Сәйетғәлин, тип яуап бирер инем. Йәш, матур, көслө тауышлы йырсы «Йәшлек шоу – 2016» республика йәштәр фестивалендә беренсе урын алғайны, халыҡ-ара конкурс-фестивалдәр дипломанты ла үҙе. Булмаһа, әйҙәгеҙ, уның менән яҡынданыраҡ танышайыҡ.
Әгәр ҙә минән: «Башҡорт эстрадаһында иң-иң яратҡан йырсың кем?» – тип һораһалар, уйлап та тормай, Сәйет Сәйетғәлин, тип яуап бирер инем. Йәш, матур, көслө тауышлы йырсы «Йәшлек шоу – 2016» республика йәштәр фестивалендә беренсе урын алғайны, халыҡ-ара конкурс-фестивалдәр дипломанты ла үҙе. Булмаһа, әйҙәгеҙ, уның менән яҡынданыраҡ танышайыҡ.
– Сәләм, Сәйет ағай! Кәйефтәр нисек?
– Бик яҡшы!
– Әйҙәгеҙ, башта бала сағығыҙ, мәктәп йылдарына әйләнеп ҡайтайыҡ әле. Һин уҡығанда күберәк ниндәй билдәләр ала торғайның? Моғайын, «өслө»ләр ҙә булғандыр?..
– Юҡсы, мин тик «бишле»ләргә генә өлгәштем. Дәрестәргә һәр ваҡыт ентекле әҙерләнеп йөрөнөм.
– Афарин, ҡайһылай маладис булғанһың. Ә ҡайҙа белем алдың?
– Салауат районының Урмансы мәктәбендә.
– О-о-о, яҡташтарбыҙ икән. Мин дә сығышым менән Салауат районынан. Мәктәп йылдарыңда һине оҡшатып йөрөгән ҡыҙҙар күп булғандыр ул?
– Үҙем дә белмәйем, бик мөмкин. Ул ваҡытта мине тик футбол һәм компьютер уйындары ғына ҡыҙыҡһындыра ине шул.
– Сәйет ағай, һин йырсыһың. Моғайын, репетицияларҙан баш сыҡмайҙыр инде, эйеме? Шулай ҙа буш ваҡытың булһа, уны нисек үткәрәһең?
– Иртәнән кискә тиклем эштә булам, һуңынан репетициялар башлана. Буш ваҡытым ҡалһа, компьютер артында ултырам, «YouTube»та ҡыҙыҡ видеояҙмалар ҡарайым. Спортҡа ла ваҡыт бүлергә тырышам.
– Әлеге ваҡытта яратҡан ҡыҙың бармы? Яҡын дуҫтарың? Кешеләрҙә иң оҡшаған сифат?
– Һөйгән ҡыҙым әлегә юҡ, сөнки буш ваҡыт булған саҡта йышыраҡ рок-группа менән репетицияларға биреләм. Яҡын дуҫтарым да аҙ, ә уларҙың иң-иңе әлеге ваҡытта армияла. Эскерһеҙ, мәрхәмәтле кешеләр оҡшай.
– Яҡын арала ҡайҙа һәм ҡасан сығыш яһаясаҡһың?
– Яңыраҡ Инвалидтар ижад йортонда рок-группам менән сығыш яһаным. Тағы ла буласаҡ әле концерттарым.
– Рәхмәт, Сәйет ағай. Үҙеңдең тамашасыларыңды, ижадыңа табыныусыларҙы яңынан-яңы йырҙарың менән ҡыуандырып ҡына торорға яҙһын. Уңыштар һиңә!
Руфина ЛОҠМАНОВА әңгәмәләште.
Өфө ҡалаһы, Фатима Мостафина исемендәге 20-се башҡорт гимназияһы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж