Бөтә яңылыҡтар
Фән серҙәре
17 Ғинуар 2020, 17:53

Бөгөн – уйлап табыусы балалар көнө!

Уйлап табыусы балалар көнө Америка Ҡушма Штаттарында, Рәсәйҙә, Украинала, Белоруссияла һәм донъяның тағы ҡайһы бер илдәрендә билдәләнә.

Әлеге байрам көнөнөң символик мәғәнәһе лә бар. Ул АҠШ-тың дәүләт эшмәкәре Бенджамин Франклин хөрмәтенә булдырыла. Баҡһаң, сәйәсмән бәләкәй сағында уйлап табыу һәләтенә эйә булған икән.
Йыл һайын 17 ғинуарҙа уйлап табыусы балалар тантаналы рәүештә ҡотлана. Белем биреү учреждениеларында тематик дәрестәр үткәрелә, күргәҙмәләр ойошторола.
Һандарға күҙ һалһаҡ, ҡыҙыҡлы мәғлүмәттәргә лә юлығабыҙ. Йыл һайын 500 меңдән ашыу бала яңы ҡоролмалар һәм технологиялар уйлап таба. Шулар иҫәбенә төргәк, батут, һыу саңғыһы, калькулятор, ҡаргиҙәр ҙә индерелгән. Һәләтле егеттәр араһында халыҡ-ара «Генийҙар олимпиадаһы» ла уҙғарыла.
Читайте нас в