-5 °С
Болотло
Бөтә яңылыҡтар
Гәзитебеҙ - дуҫыбыҙ
5 Апрель 2019, 17:04
Ура! Беҙгә «Йәншишмә» килә!
Тышта яҙ. Ҡояш йылмая. Күңелгә шундай рәхәт! Бар тирә-яҡта тәбиғәт уяна. Сеү! Бер минутҡа тынып ҡына тороғоҙ әле! Ишетәһегеҙме сыйырсыҡтар һайрауын?
Бына шулай уҡыусыларҙың күңелле яҙғы каникулы ла арта ҡалды инде. Балалар көс-дәрт йыйып, тағы мәктәпкә йыйылды.
Һуңғы сирек башланыуға ҡайһы бер белем усағы уҡыусыларын сер көтә ине. Эйе, уларҙың уҡытыусылары Башҡортостандың 100 йыллығына балаларға ҙур бүләк әҙерләп ҡуйҙы. Ниндәй, тиһегеҙме? Сабыр итегеҙ, хәҙер беләбеҙ!
Иң беренселәрҙән булып Өфө ҡалаһының 20-се башҡорт гимназияһы уҡытыусылары (ойоштороусыһы – Разия Сибәғәт ҡыҙы ҒӘЙНУЛЛИНА) 20 дана гәзиткә яҙылды. Вәт, маладистар! Баймаҡ интернат-лицейының башҡорт теле һәм әҙәбиәте уҡытыусыһы Сәлхиә Нурмөхәмәт ҡыҙы ЙӘНБИРҘИНА VII «Б» синыфы менән «Йәншишмә»не алдырасаҡ. Ә Ғафури районының Красноусол башҡорт интернат-гимназияһы директоры Гөлсөм Мөбәрәк ҡыҙы МОНАСИПОВА етәкселегендә уҡытыусылар балаларға 20 дана гәзит яҙҙыртты. Афарин! Ә бына Дүртөйлөләге Назар Нәжми исемендәге башҡорт гимназияһының башҡорт теле һәм әҙәбиәте уҡытыусыһы Руфина Зәки ҡыҙы КАМАЛОВА баш ҡалаға килгәнендә, бер юлы редакцияға инеп, V синыф уҡыусыларын «Йәншишмә»ле итте. Бигерәк өлгөр инде, дүртөйлөләр! Тағы ла Өфөләге Зәйнәб Биишева исемендәге 140-сы башҡорт гимназияһында директорҙың уҡыу-уҡытыу буйынса урынбаҫары Гөлниса Йәғәфәр ҡыҙы ЯНЫБАЕВАның әүҙемлеге маҡтауға лайыҡ. Ул да уҡыусыларына гәзит-бүләк эшләне. Бик хуп!
Изгелек башҡарғандары өсөн был уҡытыусыларға рәхмәт әйтәбеҙ. Башҡалар ҙа уларҙан өлгө алһын ине. Әйҙәгеҙ, гәзитебеҙҙе бергәләп һаҡлап ҡалайыҡ!
Балалар, үҙегеҙ ҙә яҙышып тороғоҙ. Беҙҙең гәзит – алдынғы ҡарашлы замандаш тәрбиәләү, ижадкәр шәхес үҫтереү майҙаны бит ул. Һеҙҙән хаттар көтәбеҙ.
Зөһрә ХӘКИМОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж