-5 °С
Болотло
Бөтә яңылыҡтар
Гәзитебеҙ - дуҫыбыҙ
17 Май 2019, 13:43
Етенселәр – редакцияла ҡунаҡта
Һай, ҡайһылай өлгөр ҙә был VII «В» синыфы уҡыусылары! Күп уйлап тормай, күмәкләшеп «Йәншишмә»гә яҙылып та ҡуйғандар. Беҙҙе ныҡ ҡыуандырҙылар. Баш ҡалабыҙҙың Рәми Ғарипов исемендәге 1-се республика башҡорт интернат-гимназияһында, тәүге йыл ғына уҡыуҙарына ҡарамаҫтан, уҡыуҙа ла, төрлө эштәрҙә лә һынатмай икән үҙҙәре.
Был синыфта белем алыусылар тәрбиәселәре Әлиә Рәйес ҡыҙы Йәндүрина һәм уҡытыусылары Альбина Хәсән ҡыҙы Кайбышева менән ошо көндәрҙә редакцияла ҡунаҡта булып китте. Осрашыу мәлендә ҡыҙҙар, егеттәр менән яҡынданыраҡ танышып, береһенән-береһе һәләтле булыуҙарын белдек. «Бәйләнештә» селтәрендә «Ҡурай», «Йыр эҙләйем», «Этно-Market» төркөмдәрендә ултырырға яраталар икән. Балалар һәм үҫмерҙәр гәзитенә арналған һорауҙарға ла ихлас яуап бирҙеләр, үҙҙәре лә хәбәрсе булып, бирелгән шиғыр-мәҡәләләргә баш уйлап ҡаранылар. Килеп сыға икән! Арыҫлан Юлбарыҫовтың «Хәйбулла ынйылары», Гөлсөм Абдуллинаның «Йәркәйҙәрҙең йөрәк һүҙе», Ислам Илһамовтың «Гөлфиәнең хыялы» тигәндәрен бигерәк тә оҡшаттыҡ.
Бәхетленең ҡунағы бергә, тиҙәр бит әле. Был көндө етенселәр күренекле яҙыусылар – Рәшит Шәкүр һәм Лира Яҡшыбаева менән дә осрашты. «Йәшлек» гәзитенең баш мөхәррире Артур Дәүләтбәков һәм «Йәншишмә» гәзитенең баш мөхәррире Мирсәйет Юнысов (әйткәндәй, икеһе лә ошо гимназияны тамамлаған) менән дә яҡындан танышыу бәхете тейҙе. Ағайҙарына һорауҙары күп ине уҡыусыларҙың. Иҫтәлеккә бергәләп фотоға ла төштөләр.
Балалар киләсәктә гәзит менән әүҙем хәбәрләшеп торорға теләк белдерһә, ә беҙ дуҫтарыбыҙ тағы ла күбәйеүенә ифрат ҡыуандыҡ.
Гөлназ ШӘЙХЕТДИНОВА.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж