Изге йома көнөндә, баш ҡалабыҙҙағы Матбуғат йорто алдында (Октябрҙең 50 йыллығы урамы, 13) оло байрам – Бөтөн халыҡ матбуғатҡа яҙылыу көнө үтәсәк. Матбуғат байрамы “Заман кешеһе – уҡыған кеше!” ораны менән ойошторола. Сарала күренекле артистар Алһыу Бәхтиева, Юнир Һағынбаевтар сығыш яһай. Шулай уҡ милли биҙәүестәр күргәҙмәһен ҡарарға, республиканың төп гәзит-журналдары хеҙмәткәрҙәре менән осрашып, шунда уҡ “Йәншишмә”гә яҙылырға мөмкин буласаҡ. Әҙиптәр, журналистар менән ҡыҙыҡлы осрашыу көтә һеҙҙе!