+10 °С
Облачно
Гәзитебеҙ - дуҫыбыҙ
9 Апреля 2021, 06:44
"Йәншишмә"не яратып уҡый
Межгорье ҡалаһы 3-сө мәктәбенең II «А» синыфы уҡыусыһы Самира Сәйғәфәрова «дүртле» һәм «бишле» билдәләренә генә уҡый.
Уның әүҙемлеге һоҡландыра. Мәктәп тормошонда ла ҡайнай, республика буйынса төрлө конкурстарҙа ла ҡатнаша. Гел призлы урындар яулап, Маҡтау ҡағыҙы менән бүләкләнеп кенә тора үҙе. Һәләтле ҡыҙ һүрәт төшөрөргә лә ярата. Сәнғәт мәктәбенә йөрөй. Һүрәт төшөрөү серҙәрен уҡытыусыһы Виталий Викторович Шаповалов өйрәтә. Остазының дәрестәрен һәр ваҡыт көтөп ала. «Йәш рәссамдар ижады» конкурсында ла ҡатнашҡаны бар.
Шулай уҡ өлгөр Самира «Киплинг» бейеү түңәрәгенә йөрөргә лә ваҡыт таба. Етәксеһе Регина Илфат ҡыҙы Шакирова өйрәткәнен тиҙ генә отоп алырға тырыша.
Өйҙә ата-әсәһенең ҙур ярҙамсыһы. Ҡустыһы Әмирҙе ҡараша. Әйткәндәй, ул иң беренсе булып үҙе яратҡан «Йәншишмә»гә яҙылды. Башҡалар ҙа Самираға эйәреп, гәзитле булды. Бына шундай шәп ҡыҙ бар Межгорьела!
Зөһрә ХӘКИМОВА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
