+23 °С
Облачно
Гәзитебеҙ - дуҫыбыҙ
7 Мая 2021, 03:40
Әйҙә, “Йәншишмә”беҙгә нур сәс, Гүзәл Мөнәүир ҡыҙы!
Гәзитебеҙгә яҙылыу эстафетаһын ҡабул итеүсе Миәкә районының Тамъян-Таймаҫ мәктәбе уҡытыусыһы Гүзәлиә Наил ҡыҙы Йәнтүрина синыфы менән гәзиткә яҙылған. Вәт, шәп!– Рәхмәт, Ләлә Фәнүр ҡыҙына! Эстафетаны ихлас ҡабул итәм. Бик дөрөҫ һүҙҙәр әйтелгән. Бай йөкмәткеле берҙән-бер балалар гәзитен һәр башҡорт ғаиләһе алдырырға тейеш. Үҙем дә яҙылдым, атай-әсәйҙәр ҙә, өләсәй-олатайҙар ҙа балаларына яҙҙырҙы.
Май айы – изгелектәр айы. "Йәншишмә"не уҡыу, яҙылыу, тиражын арттырыу ҙа – изге эш. Балаларыбыҙға рухи аҙыҡ хәстәрләү – беҙҙең, уҡытыусыларҙың, мөҡәддәс бурысы, тип уйлайым. Әгәр бөгөн матбуғатҡа һөйөү тәрбиәләмәһәк, киләсәктә телебеҙ ниндәй хәлдә ҡалыр?! Әйҙәгеҙ, дәррәү синыф менән яҙылыу ойошторайыҡ. Бергә булайыҡ, берҙәм булайыҡ, гәзитебеҙҙең тиражын арттырайыҡ! Эстафетаны Илеш районы Ишҡар мәктәбенең башҡорт теле һәм әҙәбиәте уҡытыусыһы, быйыл "Ал да нур сәс халҡыңа" миҙалына лайыҡ булыусы Гүзәл Мөнәүир ҡыҙы Саҙретдиноваға тапшырам. Әйҙә, "Йәншишмә"беҙгә нур сәс, Гүзәл Мөнәүир ҡыҙы!" – тине гәзитебеҙҙең әүҙем һәм тоғро дуҫы Гүзәлиә Йәнтүрина.
Илештәр, эстафета һеҙҙә! Ҡыуаныслы хәбәрҙәр көтәбеҙ!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
