+17 °С
Дождь
Гәзитебеҙ - дуҫыбыҙ
5 Октября 2021, 10:15
Ҡотлайбыҙ, хөрмәтле уҡытыусылар!
"Йәншишмә" гәзите төркөмөндә йәйгеһен уҡытыусылар араһында гәзит-бүләк конкурсы ойошторолғайны. Унда ҡатнашыусы һәр уҡытыусы гәзит-бүләк, йәғни "Йәншишмә" баҫмаһын бер балаға яҙҙыртҡайны. Беҙҙең төркөмдәге был бәйгелә иң күп лайыҡ йыйған башҡорт теле һәм әҙәбиәте уҡытыусылары – Гүзәл Әхмәҙиева (Әбйәлил, Рауил), Римма Тимербулатова (Өфөләге Рәми Ғарипов исемендәге 1-се республика башҡорт интернат-гимназияһы) һәм Әлнисә Алдырханова-Кәримовалар (Сибай интернат-гимназияһы) еңеп сыҡты.
Ҡотлайбыҙ, хөрмәтле уҡытыусылар!
Беҙ уларға редакцияның Маҡтау ҡағыҙы һәм киләһе 2022 йылдың I ярты йыллығына уларҙың бер уҡыусыһына октябрь айында "Йәншишмә" гәзитенә подписка - бүләк вәғәҙәләгәйнек. Ура, шул көн дә килеп етте! Бүләк-гәзит кемгә эләкте, тиһегеҙме? Бына бәхетле балалар: Әбйәлил районы Рауил мәктәбе уҡыусыһы Заһир Зәйнитдинов, Сибайҙағы Рамаҙан Өмөтбаев исемендәге башҡорт лицейы уҡыусыһы Гөлфинә Яхина һәм Өфөләге Рәми Ғарипов исемендәге 1-се республика башҡорт интернат-гимназияһының VIII "Г" синыфы уҡыусылары гәзитле булды. Афарин! Бүләк эшләүсе хөрмәтле уҡытыусылар, байрамығыҙ менән ҡотлайбыҙ! Уҡыусылар араһында милли матбуғатҡа һөйөү тәрбиәләгәнегеҙ өсөн ҙур рәхмәт белдерәбеҙ.
Ҡотлайбыҙ, хөрмәтле уҡытыусылар!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
