Мин дә дуҫтарым менән почта бүлегенә барып, ярты йылға «Йәншишмә»гә яҙылып ҡайттым. Ҙур түҙемһеҙлек менән отош уйынын көтә башланыҡ. Бәлки, миңә бәхет йылмайыр һәм төп бүләкте отормон, тип өмөтләндем.
Уйын үтте. Беҙҙең синыфтағы беребеҙгә лә был юлы бәхет йылмайманы. Беләһегеҙме, бер ҙә күңелебеҙ төшмәне. Уның ҡарауы, тиҫтерҙәремдең матур-матур ижад емештәрен уҡып ҡыуанабыҙ. Гәзит ныҡ оҡшай.
Бына әле «Йәншишмә»гә 2022 йылдың икенсе яртыһына ла яҙылырға уйлайым. Отош уйынында ла ҡатнашасаҡмын. Кем белә, бәлки, был юлы төп приз миңә эләгер?
Азамат ШӘҒӘЛИН,
VIII «А» синыфы уҡыусыһы.
Белорет ҡалаһы, Яныбай Хамматов исемендәге башҡорт гимназияһы.