+20 °С
Дождь
Гәзитебеҙ - дуҫыбыҙ
22 Июля 2022, 11:50
Мотлаҡ алдырыу кәрәк!
Яҡын дуҫым «Йәншишмә»не
Мотлаҡ алдырыу кәрәк!
Һағынып көтөп алам.
Уҡып сыҡҡас, илһамланып,
Үҙем дә шиғыр яҙам.
Кәңәшсе лә, серҙәш тә ул,
Асам йөрәк серемде.
Туған телдә сыға бит ул,
Нурландырып күңелде.
Йән дуҫҡайым бүләк итә
Илем буйлап сәйәхәт.
Рухи аҙыҡлы иткәнгә
Хеҙмәткәрҙәргә рәхмәт!
Ҙур донъяға юл күрһәткән
Шәп гәзиттәр бик һирәк.
Шуға, дуҫтар, «Йәншишмә»не
Мотлаҡ алдырыу кәрәк!
Тамерлан ЗАРИПОВ, йәш хәбәрсе.
Туймазы районы, Серафимовка ауылы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
