+16 °С
Облачно
Гәзитебеҙ - дуҫыбыҙ
24 Августа 2022, 09:00
Асия мәктәпкә әҙер!
Асия Әсфәндиәрова биш ҡыҙ араһында – дүртенсе бала. Был татыу ғаилә Ауырғазы районының Сәлих ауылында йәшәй. Асия ла Лилиә, Әлмира, Ләйсән апайҙарына оҡшарға тырыша икән. Өйҙә әсәһе менән бик тәмле ризыҡтар бешерергә, һеңлеһе Зәлиәне ҡарашырға һәм матур итеп һүрәттәр төшөрөргә ярата.
Асия беренсе синыфҡа Талбазы башҡорт гимназияһына барасаҡ. “Минең буласаҡ беренсе уҡытыусым Розалиә Әхмәт ҡыҙы Йәлилова Лилиә апайымды ла уҡытҡан”, – ти ул шатланып.
Ҡалай һәйбәт! Былай булғас, апаһына оҡшап, Асия ла уҡыуҙа һынатмаҫ әле.
Тиҙҙән әсәһе бүләк иткән “Йәншишмә” гәзитен дә уҡый башлар, Алла бирһә!
Аҡ юл һиңә, Асия!
Иҫегеҙгә төшөрәбеҙ:конкурста ҡатнашыусы (ата-әсәһе, өләсәһе, туғаны, уҡытыусыһы) "Йәншишмә" баҫмаһын мәктәпкә барыусы балаға бүләк-гәзит эшләй. Шунан яҙылыу квитанцияһының күсермәһен, артабан буласаҡ уҡыусы тураһында яҙып, редакцияға фотоһы менән ебәрергә кәрәк. Артабан мәҡәлә сыҡҡас, үҙенең сәхифәһенә репост эшләргә тейеш.
Әгәр конкурста ҡатнашыусы https://vk.com/club45440006 төркөмөбөҙҙә булмаһа, рәхим итегеҙ!
Бәйгелә иң күп лайыҡ йыйыусыға редакцияның Маҡтау ҡағыҙы һәм бүләк тапшыраласаҡ!
Хөрмәтле дуҫтар, һеҙҙән матур фотолар көтәбеҙ!
Асия мәктәпкә әҙер!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
