Еңеүселәрҙе ҡотлайбыҙ!

Редакцияға килгән хаттарҙың барыһы ла гәзитебеҙҙә, “Бәйләнештә” социаль селтәрендәге төркөмөбөҙҙә баҫылып сыҡты. Бәйгеселәр араһында хатта өсөшәр яҙма ебәреүселәр бар ине. Тағы ла шуныһын әйтергә кәрәк: быйылғы мәҡәләләрҙе икенсерәк баһаларға булдыҡ. “Бәйләнештә” төркөмөндә ҡуйылған яҙмаларҙың ҡайһыһын күберәк уҡығандар, күпме лайыҡ йыйылған  – шуны ла иҫәпкә алдыҡ.

Шулай итеп: I урын – Ирхан ТАҺИРОВ (Баймаҡ районы, Аҡморон мәктәбе), “Һыйыр көтөү еңел түгел икән” мәҡәләһе өсөн.

II урын – Алтынай АҠМАНОВА (Сибайҙағы Рамаҙан Өмөтбаев исемендәге башҡорт лицейы), “Онотолмаҫ сәйәхәт”, “Һыуыр менән осрашыу”, “Төлкөмө, айыумы?”;

Тамерлан ЗАРИПОВ, йәш хәбәрсе (Туймазы районы, Серафимовка мәктәбе), “Тышаулы әтәс”. 

III урын – Кәримә АҠМАНОВА (Сибайҙағы Рамаҙан Өмөтбаев исемендәге башҡорт лицейы), “Алтын себеш”;

Раян СӘЙЕТОВ (Асҡын районы, Асҡын ауылындағы 2-се мәктәп), “Мәскәүҙән – еңеү менән!”; 

Салауат ХӘЙБУЛЛИН (Белорет ҡалаһы, 21-се мәктәп), “Төлкө менән осрашыу”. Ул хатта һүрәтен дә төшөрөп ебәргән ине. 

Ә бына Сәлимә менән Нурсолтан ХӘСӘНОВТАРға (Өфө, 82-се мәктәп), “Роботтар донъяһында” мәҡәләһе өсөн дәртләндереү призы тапшырыласаҡ. 

Бәйгегә иң тәүге булып хат ебәргәне өсөн Таһир РӘХИМОВ (Ауырғазы районы, Рәшит Назаров исемендәге Талбазы башҡорт гимназияһы, “Иң ҡыҙыҡлыһы – мал көтөү”) махсус бүләк аласаҡ. 

Еңеүселәрҙе ҡотлайбыҙ!  Уларҙы редакцияның Почёт грамотаһы һәм иҫтәлекле бүләге көтә.

Зөһрә ХӘКИМОВА, хаттар бүлеге хәбәрсеһе.