"Йәншишмә" гәзитенә подписка ла ойошторҙоҡ. Белорет районы Инйәр ҡасабаһынан апалы-һеңлеле Эльвира Яҡшыдәүләтова менән Флүрә Танһыҡҡужина гәзитте Хәйбулла районы Татырүҙәк ауылында йәшәүсе ғаиләгә бүләк итте. Баҫмабыҙҙы улар ғинуар айынан ала башлаясаҡ.
Рәйес Солтангәрәй улы Яҡшыбаев байрамға хәләл ефете менән килгән. Ул гәзитте баш ҡалала йәшәүсе ейәндәренә яҙҙырҙы.
Линара Ишкилдина подписканы ике туған ҡустыһына бүләк итте. Камал гәзитте шулай уҡ киләһе йылдан уҡып ҡыуанасаҡ. Рәхмәт барығыҙға ла!