Йәнә 17 ғаилә менән дуҫлаштыҡ!

Уға ярашлы "Башҡортостан Республикаһы" нәшриәт йортонда донъя күргән ниндәй ҙә булһа баҫмаға яҙылырға мөмкин ине. Хеҙмәткәрҙәр гәзит-журналдарҙы яугирҙарыбыҙ ғаиләләренә, күп балалыларға яҙҙырып ҡына ҡалманы, үҙҙәре лә алдырып уҡырға теләк белдерҙе. Кемдер районда йәшәгән ата-әсәһе өсөн яҙҙырҙы. Эште матбуғатты таратыу бүлеге етәксеһе урынбаҫары Клара Рәсил ҡыҙы Әхиәрова, почта хеҙмәткәрҙәре һәм "Һәнәк", "Шоңҡар" журналдарындағы коллегаларыбыҙ менән ойошторҙоҡ.

"Йәншишмә" гәзитенә подписка ҡыҙыу барҙы, рәхмәт төшкөрҙәре! Әлиә Рәис ҡыҙы Ильясова - Учалы районының Сәфәр, Раушания Мөнир ҡыҙы Ғафарова - Ҡырмыҫҡалы районының Яңы Бәпес, Ирек Риф улы Фәтҡуллин - Бүздәк районының Туғай, Эмиль Венер улы Мәмлиев Өфө районының Михайловка ауылында йәшәүсе ғаиләләргә 2025 йылдың тәүге ярты йыллығына гәзит бүләк итте. Тағы ла 12 хакимиәт хеҙмәткәре мәктәптәргә һәм балалар баҡсаларына яҙылды.

Ә элекке әүҙем авторыбыҙ Илмира Илдус ҡыҙы Әхмәтйәнова (Әбсәләмова) үҙенең балаларын ҡыуандырмаҡсы: улар өсөн подписка эшләне. Ғаилә Шамонин ауылында донъя көтә икән. Бәлки, балалары беҙҙең хәбәрселәр ҙә булып китер әле!

Ошондай файҙалы осрашыу үткәргәндәре өсөн Киров районы хакимиәтенә һәм етәкселәргә ҙур рәхмәт!