+24 °С
Дождь
Гәзитебеҙ - дуҫыбыҙ
10 Июня 2025, 08:40
«Яратҡан гәзитемде көтөп алам»
Милләтем буйынса башҡорт булмаһам да, ҙур теләк менән башҡорт телен өйрәнәм. Әсәйем дә, дәрт өҫтәп, миңә яратҡан «Йәншишмә» гәзитен яҙҙыра.
«Яратҡан гәзитемде көтөп алам»
Башҡорт теле дәресендә уҡытыусыбыҙ Рәйсә Усман ҡыҙы Исламғолова менән беҙ өҫтәл уйындары уйнайбыҙ. Әкиәт, хикәйә эстәлеге буйынса һүрәт төшөрәбеҙ. Тасуири итеп шиғырҙар һөйләргә өйрәнәбеҙ. Башҡортса йәнһүрәттәр ҡарайбыҙ. Башҡорт яҙыусыларының биографияһы һәм ижады менән танышабыҙ.
Шулай ҙа иң ҡыҙыҡлы һәм көтөп алған көнөбөҙ бар. Ул – "Йәншишмә" гәзитенең килгән көнө. Дәрестә ундағы тиҫтерҙәребеҙ хаҡындағы мәҡәләләрҙе уҡып, уларға оҡшарға тырышабыҙ.
Миңә оҡшай гәзит. Уҡытыусыма рәхмәт, баҫма менән ҡыҙыҡһындыра белә.
Риана ШАГАНЦ.
Ауырғазы районы,
Талбазы ауылындағы лицей.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
