+28 °С
Болотло
Гәзитебеҙ - дуҫыбыҙ
8 Июль 2025, 09:32
Әле лә һуң түгел
«Йәншишмә»гә 2025 йылдың икенсе яртыһына яҙылыу тамамланды. Беҙ өлгөрмәй ҡалдыҡ, ни эшләргә, тиһегеҙме? Күңелегеҙҙе төшөрмәгеҙ, дуҫтар, әле лә һуң түгел. Әгәр ҙә 20 июлгә тиклем яҙылһағыҙ, «Йәншишмә» өйөгөҙгә августан килә башлар.
Әле лә һуң түгел
Данил Никитин да гәзиткә яҙылып өлгөрҙө. Ул Өфө ҡалаһының Фатима Мостафина исемендәге 20-се ҡала башҡорт гимназияның IX синыфты яҡшы билдәләргә тамамланы. Әйткәндәй, Данил ҡурайҙа уйнарға ярата.
– Беҙҙең өйгә «Йәншишмә» электән килә. Әсәйем гәзиттең «Йәш хәбәрсе»һе лә булған. Мин уҡыуымды артабан дауам итергә уйлайым. Гимназиябыҙҙа белем алыу бик оҡшай, уҡытыусыларыбыҙ ҙа яҡшы, – ти ул.
Әйткәндәй, гәзитебеҙҙең электрон версияһын һайлаһағыҙ, хаҡы күпкә арзаныраҡ: 5 айға – ни бары 365 һум ғына. Ул сағында «Йәншишмә»нең һәр һаны PDF форматында электрон почтағыҙға киләсәк.
«Йәншишмә»гә бер айға яҙылыу хаҡы – 119 һум 72 тин, 5 айға – 598 һум 60 тин.
Индексыбыҙ – П2765.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
