Бәхетле әсә

 Оло улына — 25, кесе ҡыҙына  1 йәш кенә. Ғаиләлә — 4 ул,  7 ҡыҙ тәрбиәләнә. Фаягөл — 3 ейән-ейәнсәргә өләсәй ҙә!

Абдуллиндар Ермолаево ауылындағы ҙур хужалыҡтарында күпләп ат, һыйыр, ҡош-ҡорт һәм умарта тота. Балалар ҙа кесе йәштән эшкә өйрәнеп үҫә. Шулай уҡ улар  спорт һәм төрлө түңәрәктәргә йөрөй. Иң мөһиме — барыһы ла ғаиләлә туған телдә һөйләшә.

2025 йылда Фаягөл Абдуллина Башҡортостан Башлығы Радий Хәбиров ҡулынан «Герой әсә» ордены менән бүләкләнгән. Әйткәндәй, был юғары исем 10-дан күберәк бала тәрбиәләгән ҡатын-ҡыҙға бирелә.

 «Ҡатын-ҡыҙҙың тәғәйенләнеше — әсәй булыу ҙа. Мин үҙемде бик бәхетле тип һанайым», — ти Фаягөл  Абдуллина.

Батыр әсәйгә, уның тормош иптәшенә һәм уларҙың ҙур, татыу ғаиләһенә ныҡлы һаулыҡ, бәрәкәтле тормош теләйбеҙ!

 Фото: Ғаилә архивынан.