+12 °С
Ямғыр
Бөтә яңылыҡтар
Иҫтәлекле көндәр
15 Ноябрь 2019, 12:24
Хыялдарына тоғро ҡала ул
17 ноябрь – Халыҡ-ара студенттар көнөБеҙҙең Байназар мәктәбенең сығарылыш синыф уҡыусыһы Зәлиә Алтынбаеваның күптәнге хыялы тормошҡа ашты. Ул Мифтахетдин Аҡмулла исемендәге БДПУ-ның башҡорт филологияһы факультетына башҡорт-урыҫ бүлегенә уҡырға инеп, тырышып белем ала.
Мәктәп йылдарында уҡ уҡыу алдынғыһы, әүҙем, матбуғат менән дуҫ булған ауылдашыбыҙ университетта ла һынатмай. Тәүге көндәрҙән үк уҡыу йорто мөхитенә ылығып, көндәрен файҙалы итеп уҙғарырға тырыша. Сентябрҙә ул «Студент көҙө» фестивалендә йыр-бейеүгә, нәфис һүҙгә оҫталығын күрһәтеп өлгөрә. «Ҡорос» халыҡ театрында ла теләп шөғөлләнә. Уның әйтеүенсә, һайлап алыу туры бик еңелдән булмаған. Театрҙың етәксеһе Илнур Лоҡманов теләүселәрҙе бар яҡтан да һынап ҡараған.
– Тәүге тапҡыр ҙур сәхнәгә сығып, мин үҙемдә сәнғәт донъяһына һөйөү уяттым. Репетицияларҙа нисек итеп дөрөҫ тын алырға өйрәнәбеҙ, тиҙәйткестәр әйтешеп, телебеҙҙе шымартабыҙ. Театрҙа шөғөлләнергә йөрөгөм килеп кенә тора, – ти Зәлиә.
Ул – уҡыу йортондағы «Тулҡын» әҙәби берекмәһенең ағзаһы ла. Зәлиә иҫ киткес матур шиғырҙар ижад итә. Шулай уҡ факультетта фотограф вазифаһын да башҡара. Буш ваҡыттарында бейеү менән дә мауыға. «Башҡортостан» дәүләт концерт залы тарафынан ойошторолған «Шаян» халыҡ бейеү ансамбленә йөрөй. Уларҙы етәкселәре, Фәйзи Ғәскәров исемендәге дәүләт академия халыҡ бейеүҙәре ансамбленең солисы Илшат Фәсхүтдинов төрлө халыҡтарҙың бейеү серҙәренә төшөндөрә.
Үҙ маҡсаттарына ирешеүсе, хыялдарына тоғро ҡалыусы, һәр яҡтан да өлгөлө Зәлиә апайға бары тик уңыштар ғына теләйбеҙ. Бер ваҡытта ла бирешмә, алға табан атла!
Зилиә БУРАНБАЕВА, йәш хәбәрсе.
Бөрйән районы, Байназар мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж