+12 °С
Ямғыр
Бөтә яңылыҡтар
Иҫтәлекле көндәр
9 Октябрь 2020, 18:33
Башҡортостан флагы
Башҡорт теленән Гөлназ өйгә эш әҙерләп ултыра. Уҡытыусы апайҙары Башҡортостан флагын һүрәткә төшөрөп килергә ҡушҡайны.
Төҫлө ҡәләмдәрен алып, бик тырышып яһай башланы. Олатаһы Рәшит ағай ҡыҙҙың эшләгәнен күҙәтә, үҙенең кәңәштәрен бирә, ауыр күнегеүҙәрҙе эшләгәндә ярҙамлаша. Бына әле ул ейәнсәре янына килеп:
– Ҡыҙым, Башҡортостан флагындагы төҫтәр нимәне аңлатҡанды беләһеңме? – тип ҡыҙыҡһынды.
Бәй, белмәҫкә ни, Гөлназ үткән дәрестә уҡытыусы апайҙары һөйләгәнде йотлоғоп тыңлағайны бит, шуларҙы хәтеренә төшөрҙө.
– Олатай, флаг – Башҡортостан Республикаһының дәүләт символы. Ул өс төҫтән тора. Зәңгәр төҫ тыныс күк йөҙөн аңлата. Ә бына аҡ төҫ – яҡты киләсәк. Йәшеле азатлыҡ һәм тормоштоң мәңгелеген билдәләй. Башҡортостан флагының авторҙары – Урал Мәсәлимов менән Ольга Асабина. Уртаһында һары төҫтәге ҡурай сәскәһе дуҫлыҡты күрһәтә. Уның тажы ете ырыуҙы берләштерә. Үҫәргән, мең, ҡыпсаҡ, табын, юрматы, бөрйән, тамъян ырыуҙары башҡорттарҙың милләт булып тупланыуын кәүҙәләндерә, – тип аңлатты ҡыҙ.
Олатаһы ейәнсәренең дәүләт флагы тураһында күпте белгәне өсөн бик ҡыуанды. Үҙе лә уға ҡушылып һөйләне:
– 1992 йылдың 25 февралендә Башҡортостандың дәүләт флагы көнө билдәләнә. Ете – башҡорттарҙың яратҡан һаны. Һәр башҡорт үҙенең ете быуынын белергә тейеш.
Иртәгеһен Гөлназ көндәлегендәге «бишле» билдәһен күрһәтеп, өйҙәгеләрҙе шатландырҙы. Быға бигерәк тә олатаһы бик һөйөндө.
Ынйы ЗАКИРОВА,
йәш хәбәрсе.
Нефтекама ҡалаһы,
6-сы мәктәп.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж