Алтын бишегебеҙ

Йыл һайын республикабыҙға башҡа илдәрҙән күп ҡунаҡтар килә. Уларҙы беҙҙең тәбиғәттең матурлығы ғына түгел, ә тыныс, ҡунаҡсыл, татыу халҡы ла йәлеп итә. Эйе, тап шулай! Борон-борондан башҡорт халҡы киң күңелле, ихлас, йомарт бул­ған. Тыуған еремдең бормаланып-бормаланып аҡҡан йылғалары, зәңгәр күккә ол­ғаш­ҡан тауҙары ниндәй ге­нә йырҙарҙа маҡталмай ҙа ниндәй генә легенда, риүә­йәт­тәрҙә, әкиәттәрҙә һүрәтләнмәй.
Бөйөк шағирыбыҙ Мостай Кәрим уны ҡайын япрағы менән сағыштырған бит. Урмандары ҡоштарға, йәнлектәргә, үҫемлектәргә бай. Уларҙы юғалтыуҙан һаҡлау өсөн ҡурсаулыҡтар асҡандар, ә иң һирәктәрен Башҡортостан Республикаһының Ҡы­ҙыл китабына индергәндәр.
Йәмле йәй айҙарында үҙебеҙҙең тыуған яҡта күп итеп емеш-еләк, дарыу үләндәре йыйҙым. Үҙ еремдең саф һауаһын һулап, матур тәбиғәт ҡосағында рәхәтләндем генә.
Башҡортостаным – күп милләтле республика. Халыҡтары төрлө йолалы, ғөрөф-ғәҙәтле булһа ла, бер-береһе менән татыу, дуҫ йәшәйҙәр. Шуға ла донъялары гөрләп тора, эштәре уңа.
Тиҙҙән тыуған республикам тыуған көнөн билдәләй. Баш­ҡортостаным артабан да үҫһен, сәскә атһын, тыныслыҡта гөрләп торһон, ә унда йәшәгән халыҡтар берҙәм һәм бәхетле булһын. Байрам менән, Башҡортостан!

Карина ҒИЗӘТУЛЛИНА, IV синыф уҡыусыһы.
Ауырғазы районы, Талбазыбашҡорт гимназияһы.