Флаг - дәүләт гербы һәм дәүләт гимны менән бер рәттән Башҡортостан Республикаһының дәүләт символы булып һанала. Ул өс төҫтән тора. Уның төҫтәре һәм эмблемаһы билдәле бер символик мәғәнәгә эйә. Аҡ һыҙаттың уртаһында түңәрәк эмблема һүрәтләнгән, уның эсенә стилләштерелгән ҡурай сәскәһе төшөрөлгән. Зәңгәр төҫ — республика халыҡтарының аңлайышлы, изге һәм саф ниәттәрен; аҡ — тыныслыҡ һөйөүҙе, асыҡлыҡты, үҙ-ара хеҙмәттәшлеккә әҙер булыуҙы; йәшел — азатлыҡты, тормоштоң мәңгелеген кәүҙәләндерә; ҡурай сәскәһе — дуҫлыҡ билгеһе, уның ете тажы Башҡортостан Республикаһы территорияһында йәшәгән халыҡтарҙың берләшеүенә башланғыс һалған ете ырыуҙы символлаштыра.
Фото:https://yandex.ru/images/search?text