Был байрам республика халыҡтары йолаларына, тарихына, милли кейеменә иғтибарҙы арттырырға мөмкинлек бирә.
Сағыу саралар ойоштороласаҡ. Уларҙың иң мөһиме Өфөләге И.Якутов исемендәге паркта үтәсәк. Башҡортостандан ситтә: Ханты-Манси автономиялы округында һәм Белоруссияла "Милли кейемдә фото" тигән онлайн фотокүргәҙмә һәм "Мин - милли кейемдә" тигән флешмоб үткәрәсәктәр.
Республика халыҡ ижады үҙәге "Музыкаль этномозаика" тигән сара ойоштора. Шарты - милли кейем кейеп, боронғо халыҡ музыка ҡоралында уйнап, 2-3 минутлыҡ видео төшөрөргә һәм 9 сентябргә тиклем социаль селтәрҙәге сәхифәңә ҡуйырға кәрәк. #МузыкальнаяЭтноМозаикаБашкортостана #ДеньНациональногоКостюма #УфаМКРБ #УфаРЦНТРБ #МКРБ хэштегтарын яҙыу мотлаҡ.