Бөтә яңылыҡтар
Иғтибар!
21 Май 2019, 18:35

"Интернатскийҙар", һеҙҙән иҫтәлектәр кәрәк!

2019 йыл Башҡортостан Республикаһының 100 йыллығы билдәләнә. Данлыҡлы Рәми Ғарипов исемендәге 1-се республика башҡорт интернат-гимназияһы ла быйыл үҙенең 75 йыллыҡ юбилейын байрам итә.

Был белем усағы 1944 йылда республиканың башҡорт балалары өсөн асыла. 1956 йылда интернат статусын алһа, 1991 йылда әлеге исеме бирелә.
Белем усағынан әллә күпме ғалим, инженер, уҡытыусы, яҙыусы, рәссам, композитор, дәүләт һәм йәмәғәт эшмәкәрҙәре сыҡҡан. Улар республикала ғына түгел, унан ситтә лә абруй һәм дан ҡаҙанған.
Рәми Ғарипов исемендәге 1-се республика башҡорт гимназияһы, 75 йыллыҡ юбилей айҡанлы, элекке уҡыусыларын, унда эшләп киткән педагогтарҙы гимназия, уҡытыусылар, тәрбиәселәр тураһында иҫтәлектәре менән уртаҡлашыуҙарын һорай. Матур хәтирә, тарихтарығыҙҙы белем усағының рәсми битенә https://vk.com/brgi1_official һалығыҙ, социаль селтәрҙәрҙә үҙегеҙҙең диуарығыҙҙа #БРГИ75 #БРГИ75лет #БРГИимениРамиГарипова75 #БРГИГарипова75, #Беренсехештегтары менән бирегеҙ, дуҫтар.
Читайте нас в