Әгәр ҙә һине ошондайыраҡ һорауҙар борсоһа, әммә был турала яҡын кешеләрең менән һөйләшергә, кәңәшләшергә тартынһаң, 8 800 2000 122 һандарын йыйып, Балалар өсөн ышаныс телефонына шылтырат.
Был хеҙмәт 2010 йылда «Ауыр тормош шарттарында ҡалған балаларға ярҙам итеү» фонды тарафынан булдырылды һәм йылдан-йыл ярҙам һорап мөрәжәғәт итеүселәр күбәйә. Улар үҙҙәрен борсоған һорауҙарға яуап ала, хатта ниндәйҙер бәләнән ҡотолоп ҡала.
Шылтыратыу бөтә телефондарҙан да бушлай һәм аноним. Телефон һандарың яҙып алынмай, ә бына яҡшы консультация аласаҡһың, һинең менән махсус әҙерлек үткән психолог-консультанттар һөйләшәсәк.