+12 °С
Ямғыр
Бөтә яңылыҡтар
Илһам
25 Декабрь 2017, 18:39
Ҡыш бабай бүләге
Бер мәл башҡорт Ҡыш бабайы мамыҡ юрғанға төрөнгән серле урманға һоҡлана-һоҡлана китеп бара икән. Зәңгәр күктә көмөш ай йылмая, һауанан йымылдашып йондоҙ-ҡарҙар һибелә. Ҡапыл уның ҡаршыһына ашығып сапҡан Ҡуян менән Тейен килеп сыҡҡан.
Бер мәл башҡорт Ҡыш бабайы мамыҡ юрғанға төрөнгән серле урманға һоҡлана-һоҡлана китеп бара икән. Зәңгәр күктә көмөш ай йылмая, һауанан йымылдашып йондоҙ-ҡарҙар һибелә. Ҡапыл уның ҡаршыһына ашығып сапҡан Ҡуян менән Тейен килеп сыҡҡан.
– Ҡайҙа былай ҡабаланаһығыҙ, балаҡайҙар, арып бөткәнһегеҙ бит? – тип һорай Ҡыш бабай.
– Беҙҙе уҫал Бүре ҡыуып килә, олатай. Артабан ҡасырлыҡ хәлебеҙ ҡалманы, зинһар, ҡотҡар инде, – тип ялбарған кескәй кейектәр.
– Аһ, шул яуызды, урманға һыйманы бит, – ти ҙә Ҡыш бабай тылсымлы тоғон ҡулына ала. – Инеп ултырығыҙ ошонда.
Бер аҙҙан теге Бүре килеп етә лә яман ҡарап:
– Ҡыш бабай, ошонан хәйләкәр Тейен менән ҡурҡаҡ Ҡуян сабып үткәнен күрмәнеңме? – тип ырылдай.
– Күрҙем, бына улар, – ти ҙә Ҡыш бабай тоғон әйләндереп ҡаға. Уның эсенән Бүре ғүмерҙә күргәне булмаған аҡ кейек сығып ҡаса. Баҫтырырға маташҡан йыртҡыс уны тиҙ арала күҙҙән юғалта. Ҡуянды ҡарҙан айырырлыҡ түгел икән. Ә Тейен тоҡтан сыға ла етеҙ генә үрмәләп, ағас башына менеп китә һәм һемәйеп ҡалған асыҡ ауыҙ Бүренән һыны ҡатып көлә, ти. Баҡтиһәң, уның тәпәйҙәренә үткер тырнаҡтар үҫеп сыҡҡан була. Йәне көйгән Бүре Ҡыш бабайға ныҡ асыулана:
– Был һинең генә эшең, ҡартлас. Улай булғас, мине лә ап-аҡ ит тә тәпәйҙәремә тырнаҡтар үҫтер.
– Былар һиңә нимәгә һуң? – тип аптырай Ҡыш бабай.
– Ҡуян менән Тейенде тотоп ашар өсөн, – тип тешен шаҡылдата Бүре.
– Ә–ә, шулаймы? Ҡара эслегә аҡ тун килешмәҫ. Осло тырнаҡтарҙың да һиңә кәрәге юҡ, үҙеңдеке үҙеңә тап-таман, – ти Ҡыш бабай көлөмһөрәп.
Шул ваҡыттан бирле ҡуяндар ҡышын аҡ тундарын кейеп ала, ә тейендәр ағас баштарында ғына йәшәй икән. Шулай Ҡыш бабай бүләге дуҫтарға ныҡ ярҙам итә. Ә йәмһеҙ тун кейгән яуыз Бүре уларҙы һаман һағалай, гел баҫтыра, әммә һис тота алмай, ти.
Ләйлә НӨҒӘМӘНОВА. IV синыф уҡыусыһы.
Әбйәлил районы, Ҡырҙас мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж