+12 °С
Ямғыр
Бөтә яңылыҡтар
Илһам
27 Июль 2018, 11:50
Гөлйемеш Үтәғолова шиғырҙары
Сибайҙағы интернат-гимназияның X синыф уҡыусыһы Гөлйемеш Үтәғолова бәләкәй саҡтан иншаларҙы йөкмәткеле итеп яҙып, үҙенең уй-хистәрен уйландырырлыҡ итеп еткерә белә. Шиғырҙары ла матур килеп сыға. Баймаҡ районы Күсей ауылы ҡыҙы «Аҡ ҡауырһын» түңәрәгенә йөрөп, илһам ҡанаттарын да нығытып алды. «Таң нуры» тигән шиғри йыйынтығын әҙерләп, Таңсулпан Ғарипова исемендәге бәйгелә Гран-при ҙа яуланы. Киләсәктә лә Гөлйемешкә ижади үрҙәр генә теләйбеҙ.
Әлнисә АЛДЫРХАНОВА-КӘРИМОВА, «Аҡ ҡауырһын» түңәрәге етәксеһе.
Таң нуры
Тау артынан алтын ҡояш
Көмөш нурҙарын һибә.
Йәшел үләндәргә ҡунған
Ысыҡ тамсылар кибә.
Көмөш нурҙарын һибә.
Йәшел үләндәргә ҡунған
Ысыҡ тамсылар кибә.
Сылтырап аҡҡан шишмәләр
Наҙланышып йәнләнә.
Таң нурына аллы-гөллө
Сәскәләр иркәләнә.
Наҙланышып йәнләнә.
Таң нурына аллы-гөллө
Сәскәләр иркәләнә.
Таң һарыһынан кешеләр
Башлай эштәрен яйлап.
Ал таң бәхетен өләшә
Иртә торғанын һайлап.
Башлай эштәрен яйлап.
Ал таң бәхетен өләшә
Иртә торғанын һайлап.
Яңғыҙ ҡайын
Тау башында яңғыҙ ҡайын
Ел менән серем итә.
Уның яңғыҙ бер дуҫҡайы
Елеп үтә лә китә.
Ел менән серем итә.
Уның яңғыҙ бер дуҫҡайы
Елеп үтә лә китә.
Ҡайһы саҡта ботағына
Турғайҙар килеп ҡуна.
Бына ҡунаҡ килде, тиеп
Ҡайыным, эй, ҡыуана.
Турғайҙар килеп ҡуна.
Бына ҡунаҡ килде, тиеп
Ҡайыным, эй, ҡыуана.
Эх, йәлләйем ҡайынҡайҙы,
Аңлайым уның хәлен.
Мин дә бит яңғыҙлыҡтың
Татыным әсе тәмен.
Аңлайым уның хәлен.
Мин дә бит яңғыҙлыҡтың
Татыным әсе тәмен.
Бәпембә
Ҡояш нурына үрелеп,
Сәскә атҡан бәпембә.
Ғорур баҫып ултыралар
Йәшел хәтфә үләндә.
Сәскә атҡан бәпембә.
Ғорур баҫып ултыралар
Йәшел хәтфә үләндә.
Бәпембәгә ғәжәпләнеп,
Эй, һоҡлана сәтләүек.
Ел иҫкәндә бәүеләләр,
Һары бәпкәләр кеүек.
Эй, һоҡлана сәтләүек.
Ел иҫкәндә бәүеләләр,
Һары бәпкәләр кеүек.
Еләк
Йәшел урман араһында
Ҡып-ҡыҙыл еләк бешкән.
Бик күп ҡыҙҙар һәм малайҙар
Еләк йыйырға төшкән.
Ҡып-ҡыҙыл еләк бешкән.
Бик күп ҡыҙҙар һәм малайҙар
Еләк йыйырға төшкән.
Өләсәйем ҡайнатмалар
Ҡайнатты беҙгә ҡышҡа.
Йәйҙең тәмен һаҡлайым, тип
Тултырҙы туңдырғысҡа.
Ҡайнатты беҙгә ҡышҡа.
Йәйҙең тәмен һаҡлайым, тип
Тултырҙы туңдырғысҡа.
Ай менән ҡояш
Зәңгәр күктә йылы ҡояш
Ергә нурын өләшә.
Аҡ ҡорған артынан ғына
Ай ҙа унан көнләшә.
Ергә нурын өләшә.
Аҡ ҡорған артынан ғына
Ай ҙа унан көнләшә.
Япраҡтар
Ҡарағыҙсы ағастарға,
Нисәмә төрлө япраҡ –
Ҡыҙыл, көрән, һороһо ла,
Йәшелдәре лә байтаҡ.
Нисәмә төрлө япраҡ –
Ҡыҙыл, көрән, һороһо ла,
Йәшелдәре лә байтаҡ.
Ыңғай ғына ел иҫкәнгә
Ботаҡтары бәүелә.
Сыбар япраҡтар еремә
Балаҫ кеүек йәйелә.
Ботаҡтары бәүелә.
Сыбар япраҡтар еремә
Балаҫ кеүек йәйелә.
Яҙ килә
Тирә-яҡҡа нурҙар сәсеп,
Ҡыш артынан яҙ килә.
Зәңгәр күктә беҙгә ҡарап,
Ҡояш шатланып көлә.
Ҡыш артынан яҙ килә.
Зәңгәр күктә беҙгә ҡарап,
Ҡояш шатланып көлә.
Йылғаларҙа боҙҙар китә,
Ҡар иреүен көтәбеҙ.
Яҙ – ярһыу, йәй йәмле булыр,
Тиеп өмөт итәбеҙ.
Ҡар иреүен көтәбеҙ.
Яҙ – ярһыу, йәй йәмле булыр,
Тиеп өмөт итәбеҙ.
Китап
Нисәмә һүҙҙәр китапта,
Нисәмә унда һөйләм.
Барыһын бергә уҡыһаң,
Килеп сыға бер бәйләм.
Нисәмә унда һөйләм.
Барыһын бергә уҡыһаң,
Килеп сыға бер бәйләм.
Күпме серҙәр аса китап,
Ул бит – белем шишмәһе.
Аҡыллы булам, тигәндең
Тулы китап кәштәһе.
Ул бит – белем шишмәһе.
Аҡыллы булам, тигәндең
Тулы китап кәштәһе.
Икмәк
Әсәйем икмәк бешергән –
Түңәрәк, йылы, йомшаҡ.
Донъяла иң тәмле ризыҡ,
Айға тора ул оҡшап.
Түңәрәк, йылы, йомшаҡ.
Донъяла иң тәмле ризыҡ,
Айға тора ул оҡшап.
Икмәк еҫен алыҫтарҙан
Һиҙеп тора бесәйем.
Тик бесәйҙе индермәне
Ашханаға әсәйем.
Һиҙеп тора бесәйем.
Тик бесәйҙе индермәне
Ашханаға әсәйем.
Ҡурсағым
Ҡурсағыма тегеп ҡуйҙы
Әсәйем йәтеш күлдәк.
Зәңгәр сәскәләр – күлдәктә,
Ә сәскәлә – күбәләк.
Әсәйем йәтеш күлдәк.
Зәңгәр сәскәләр – күлдәктә,
Ә сәскәлә – күбәләк.
Ҡурсағымды ҡулымдан да
Төшөрмәйсә уйнайым.
Ләкин теккән күлдәктәрҙе
Йыртмайынса ҡуймайым.
Төшөрмәйсә уйнайым.
Ләкин теккән күлдәктәрҙе
Йыртмайынса ҡуймайым.
Томан
Иртә менән ергә томан
Селтәр ҡорғанын һалды.
Бар өйҙәрҙе, урамдарҙы
Үҙ ҡосағына алды.
Селтәр ҡорғанын һалды.
Бар өйҙәрҙе, урамдарҙы
Үҙ ҡосағына алды.
Яңғыҙ түгел хәҙер урман,
Яңғыҙ түгел далалар.
Ҡорған эсендә иҙрәп,
Йоҡоларға талалар.
Яңғыҙ түгел далалар.
Ҡорған эсендә иҙрәп,
Йоҡоларға талалар.
Алтын көҙ
Ҡарайым да көҙгө ағастарға
Моңһоу көҙҙөң хәлен тоямын.
Күңелемә тулған һағыштарҙы
Япраҡ кеүек ергә ҡоямын.
Моңһоу көҙҙөң хәлен тоямын.
Күңелемә тулған һағыштарҙы
Япраҡ кеүек ергә ҡоямын.
Тыныс урман мине тыңлай кеүек,
Кәңәш биргән кеүек шыбырлап.
Шым ғына күҙәтәм, алтын көҙҙө
Ҡурҡытырмын кеүек ҡыбырлап.
Кәңәш биргән кеүек шыбырлап.
Шым ғына күҙәтәм, алтын көҙҙө
Ҡурҡытырмын кеүек ҡыбырлап.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж