-6 °С
Болотло
Бөтә яңылыҡтар
Илһам
29 Март 2019, 14:54
Мыраубикә
Әкиәт Борон-борон заманда йәшәгән, ти, Мыраубикә. Ул бик ялҡау булған. Мейес башында йоҡлап тик ятҡан. Бер көндө уның ишеген Ҡуян дуҫы шаҡыған.
Мыраубикәнең урынынан торғоһо ла килмәгән. Аяҡтарын саҡ һөйрәп килеп, келәһен асҡан.
– Һаумы, Мыраубикә!
– Һаулыҡ юҡ әле ул. Башым ауырта.
– Әйҙә, саф һауаға сығайыҡ. Ҡоштар йырын тыңлайыҡ.
– Юҡ. Миңә мейес башында ла рәхәт. Үҙең генә йөрө.
Шул һүҙҙәрҙе әйткән дә ишеген япҡан. Хатта дуҫын сәй эсергә лә саҡырмаған. Тағы яратҡан урынына барып ятҡан Мыраубикә.
Ҡыбырламай ғына шулай көн иткән бесәй. Яҙ, йәй, көҙ үткән. Һыуыҡтар төшкән. Мейес башында ятыуы ла түҙгеһеҙ була башлаған. Ут яғырға утыны әҙерләнмәгән, ә һалҡын ҡыш яҡынлашҡан. Ялҡау бесәй йүткереп ауырып киткән.
Мыраубикәнең хәлен белергә берәү ҙә килмәгән. Ахыры, үҙе киткән дуҫы янына. Ҡуян уны күреүгә бик шатланған. Индереп сәй, һөт ҡайнатып эсергән. Бар хәленсә дауалаған.
Биш көн ятҡан Мыраубикә дуҫында. Һауығып ҡайтҡан. Рәхмәт әйтергә лә онотмаған. Ҡуян дуҫын дауалағанына ҡыуанған. Бесәй ҙә беренсе тапҡыр һөйөнөс татыған. Донъялар матур булып киткән. Ҡоштар йырын икенсерәк ишетә башлаған.
Шул көндән алып Мыраубикә лә башҡаларға яҡшылыҡ эшләргә тырышҡан, ти.
Эвелина СИТДИҠОВА, III «Б» синыфы уҡыусыһы.
Белорет ҡалаһы, Яныбай Хамматов исемендәге башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж