-14 °С
Болотло
TelegramТестарVKOK
Бөтә яңылыҡтар
Илһам
28 Июнь 2019, 14:02

Башҡорт ҡоролтайына

Сәсәндәр ораны донъяны ураһын, Ҡурайҙар тупланыу көйҙәрен уйнаһын, Ҡоролтай турында бар ғаләм тыңлаһын, Башҡортта азатлыҡ тойғоһо уянһын!

Ҡоролтай балалар уйыны булмаһын,

Йәшәргә өйрәтһен ҡыҙҙарын, улдарын.

Башҡортта боронғо олпатлыҡ уянһын,

Ғорурлыҡ, үҙаллыҡ тойғоһо тулаһын!


Ҡоролтай гел байрам, уйын-йыр түгел дә,

Тормоштар шәплектән уйнаҡлау түгел дә,

Был йыйын – иреккә һыуһаған күңелдәр,

Ул – халҡым өмөтө сыраҡһыҙ төнөндә.


Ут йотҡан, яу кискән, бөлөнгән башҡортом,

Тарҡалған күстәрҙе туплаған Баш ҡортом,

Ҡоролтай саҡыра: ҡайтып бер баш ор, тип,

Ҡурсалар атайсал – Уралың, Баш йортоң.


Сәсәндәр ораны донъяны ураһын,

Ҡурайҙар тупланыу көйҙәрен уйнаһын,

Ҡоролтай саң ҡаға – бар ғаләм тыңлаһын,

Башҡортта берҙәмлек тойғоһо уянһын!
Читайте нас в