+13 °С
Болотло
Бөтә яңылыҡтар
Илһам
6 Март 2020, 13:07
Яуызлыҡҡа – изгелек
Хикәйә Ял көнөн Ишдәүләт ағай көтөп алды. Ул ғаиләһе менән тыуған ауылына юлланырға йыйына бит. Өйөнә ҡайтып етеүгә барыһы ла әҙер ине инде. Бигерәк тә кесе улы Айҙар шатлығынан ни эшләргә белмәне. Ауылдан олатаһы: «Быйыл бәшмәк уңды», – тип сәләм дә ебәргәйне. Бөтәһенең дә кәйефе бермә-бер күтәрелде. Ни генә тимә, уларҙы саф һауала, тәбиғәт ҡосағында ял итеү көтә.
Ҡаланың ҡара төтөнө артта ҡалды, улар киң ялан буйлап елдерҙе. Шул ваҡыт юлға айыу балаһы йүгереп килеп сыҡты. Ишдәүләт ағай был көтөлмәгән хәлгә аптырап китте: «Айыуҙар урманда йөрөргә тейеш тә бит, ә был иҫәр ялан буйлап йүгерә, моғайын, инәһе яҡындалыр».
Оҙаҡламай ауыл да күренде. Олатаһы менән өләсәһе уларҙы йылы сәй, тәмле аш менән ҡаршы алды. Ял итеп, тамаҡ туйҙырып алғандан һуң тәбиғәт ҡосағына бәшмәк йыйырға сыҡтылар. Көҙгө урман иҫ киткес матур: һауа шундай саф, күктә бер генә болот әҫәре лә күренмәй. Кәрзиндәрен тотоп, көлөшә-көлөшә урманға табан юл алдылар. Унда-бында бәшмәктәр ҙә күренгеләй башланы. Бәләкәй Айҙар алдан йүгереп бара. Бейек ағастарға байтаҡ һоҡланып торғандан һуң: «Ҡайҙа һуң бында ҡоштар? Йәнлектәр ҙә күренмәй», – тип артта яйлап килгән атаһы менән олатаһына ҡараны. Уның һорауына яуап биргәндәй, яҡында ғына өс мәртәбә мылтыҡтан атҡан тауыш ишетелде. Бөтә тирә-яҡ яңғырап китте. Олатаһы менән атаһының шунда уҡ кәйефе төштө. Оҙаҡ та үтмәй, урман юлы буйлап квадроциклдарҙа бер нисә ир-егеттең килгәне күренде, ҡулдарында – ҡорал.
«Бына шулай беҙҙең урмандарыбыҙҙың хәле. Йәнлектәр, ҡоштар юҡҡа сыға», – тип олатаһы ауыр көрһөнөп ҡуйҙы. Ошо хәлдән һуң Ишдәүләт ағай айыу балаһының ни өсөн яланда йүгереп йөрөүенең сәбәбен аңланы. Кәйефтәре ҡырылһа ла, бәшмәктән уңдылар. Кеше насарлыҡ ҡылһа ла, тәбиғәт беҙгә яҡшылыҡ һәм изгелек менән яуап бирә шул.
Алина ӘХМӘТЗАДИНА, IX синыф уҡыусыһы.
Әбйәлил районы, Таһир Күсимов исемендәге Асҡар гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж