+11 °С
Болотло
TelegramVKOK
Бөтә яңылыҡтар
Илһам
11 Июнь 2020, 11:44

Бәләкәс шағир

ӘкиәтБорон-борон заманда йәшәгән, ти, бер малай. Исеме Юлдаш булған. Уға 10 йәш тулған, шиғыр яҙыу­ға бик әүәҫ икән.


Бер көндө олатаһы малайҙы үҙе менән урманға алып барған. Ундағы матурлыҡты күреп, Юлдаш бик һоҡланған. Шунда уҡ шиғыр ҙа сығара һалған:

Килеп еткәс йәй,

Ҡояшҡай уйнай,

Йәйгә ҡыуанып,

Ҡоштары һайрай:

Турғай сутылдай,

Тартай тартылдай,

Кемдер бытылдай,

Кемдер шыҡырлай,

Кемдер сырҡылдай,

Кемдер барҡылдай,

Кемдер ҡыжҡылдай,

Ҡорттары мыжғый,

Тейендәр ырғый,

Бик матур урман,

Ҡайтмайым унан!

Өйгә ҡайтҡас, ул шиғырын дуҫтарына уҡып күрһәткән. Бөтәһенә лә ижад емеше бик оҡшаған, ти. Шунан алып ауылда уны «Бәләкәс шағир» тип йөрөтә башлағандар.


Рина БӘШӘРОВА, VII «В» синыфы уҡыусыһы.
Өфө ҡалаһы, Рәми Ғарипов исемендәге 1-се республика башҡорт интернат-гимназияһы.


Читайте нас: