+30 °С
Облачно
Илһам
14 Декабря 2021, 07:05
Йөрәгемә һеңгән
Башҡортостан – ғәзиз Тыуған илем,
Йөрәгемә һеңгән
Сал Хәйбуллам – изге төйәккенәм.
Аҡъярымда тәүге ауаз менән
Йөрәгемә һеңгән башҡорт телем.
«Атай, әсәй», – тиеп туған телдә
Ғәзиз кешеләргә мин өндәшәм.
Туғандарым, дуҫтарым менән дә
Иркенләп мин башҡортса һөйләшәм.
Өйҙә беҙҙең – һәр саҡ ҡурай моңо,
Атайыбыҙ моңло йырын һуҙа,
Әсәкәйем әкиәттәр һөйләп,
Телгә һөйөү бирә өс ҡыҙына...
Ғәзиз балаһына һөйөү биреү –
Атай-әсәйҙәргә иң мөһиме.
Һөйөү менән бергә телле итеү –
Изге бурыстарҙың да береһе.
Беҙгә ҡалған изге аманатҡа,
Дуҫтар, һәр саҡта тоғро булайыҡ!
Ғәзиз туған телдең яҡлаусыһы
Булып мәңгелеккә беҙ ҡалайыҡ!
Рәлиә СӘЛИМОВА,
X «Б» синыфы уҡыусыһы.
Хәйбулла районы,
Аҡъярҙағы 2-се мәктәп.
Фото: р02.навигатор.дети
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
