+10 °С
Болотло
Бөтә яңылыҡтар
Илһам
25 Апрель , 20:26
Рәхмәтлемен
Беҙ мәктәп уҡыусыларынан ғына түгел, студенттарҙан да шиғырҙар, әкиәттәр, хикәйәләр алып торабыҙ. Заһир Исмәғилев исемендәге Өфө дәүләт сәнғәт институтында белем алыусы Ейәнсура районы Үтәғол ауылы егете Фәһим Әхмәровтың ижад емешенән ауыҙ итегеҙ әле.
Рәхмәтлемен
Мин бит барыһына рәхмәтлемен,
Үткәндәргә, яҡты бөгөнгә.
Һүҙ ҡалмаһа, рәхмәт әйтермен
Барыһына, көнгә һәм төнгә.
Мин бит барыһына рәхмәтлемен,
Сит ерҙәргә, тыуған өйөмә.
Тәбиғәткә, ҡояшҡа, айға ла,
Һалҡын ҡышҡа, эҫе йәйенә.
Йылы һүҙегеҙгә рәхмәтлемен,
Кем йәнәшә йылдар буйына.
Туғаныма, тоғро дуҫыма ла,
Әсәйемә һәм атайыма.
«Ғәфү ит», – тип әйтеүселәргә лә,
Хәлгенәмә кергән кешемә.
Рәхмәт, кемдәр мине онотоп та,
Ҡунаҡ булып килә төшөмә.
Өҫтәлемдә аҙыҡ булған өсөн,
Эҫе генә сәйгә, икмәккә.
Рәхмәтлемен бала сағымдан уҡ
Ижадҡынам тулған йөрәккә.
Мин бит барыһына рәхмәтлемен,
Ҡабатлармын, бер ҙә арымам.
Өмөтөмә, ышанысыма ла,
Мәңгелеккә ҡалыр йырыма.
Мин бит барыһына рәхмәтлемен,
Барыһына, әйткән һүҙемә.
Барыһына... белмәйем, һуң мин бит
Рәхмәтлемен хатта үҙемә.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж