+28 °С
Болотло
Илһам
5 Июль 2025, 05:00
Йәйҙәрҙең бит үҙе йәме - ҡото
Айһылыу ҒАРИФУЛЛИНА Шаптырҙатты, ҡойҙо, һибәләне,
Йәйҙәрҙең бит үҙе йәме - ҡото
Боҙ борсағы менән түбәләне.
Йәйғор йәйәһен дә кирҙе бик йыш,
Эңерҙәре янды - ҡыҙыл йыртыш.
Үлән - уты доноп үҫте генә,
Ерҙе тишкеләгәс көмөш энә.
Күпсеп ятҡан ергә һыуы һеңә -
Йылға йырҙаһынан сыҡмаҫ, тимә.
Сәскәләре иһә бал тәме әйтә,
Безелдәшә, геүләй бөжәк - ҡорто.
Ниндәй сүрәттәрҙә килгәндә лә,
Йәйҙәрҙең бит үҙе йәме - ҡото.
Һаумал һөттәй томан күтәрелә -
Һынамыштар әйтә - яуынғалыр.
Йәйҙәремдә йәйрәп йәйләүҙәрем -
Мең ниғмәтле һыйлы табындамын.
Фото: Айһылыу ҒАРИФУЛЛИНА.
Йәйҙәрҙең бит үҙе йәме - ҡото
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
