+24 °С
Ямғыр
Илһам
3 Ғинуар , 15:47
Тимер санам
Дуҫыбыҙ Йәмил Ҡотлогилдиндың ижад емеше.
Тимер санам
Йәмил Ҡотлогилдин
Тимер санам
Яр башынан шау-гөр килеп
Балалар шыуа сана...
Эх, бала саҡ, ҡайҙа ҡалдың?
Иҫләһәм, йөрәк яна!
Тимер санам әле лә бар -
Бала саҡ иҫтәлеге,
Эшһеҙлектән тутыҡһа ла,
Һаман да ныҡлы әле.
Тимер сана - ҙур иҫтәлек,
Аманат атайымдан,
Нимә генә эшләһәм дә,
Төшмәне минең ҡулдан.
Тимер санам тарихҡа бай,
Күп эштәрҙе башҡарҙы:
Һыу ташыны, тиреҫен дә,
Көрттәрҙән юлдар ярҙы.
Утынды ла күп ташыны,
Алып ҡайтты ул һалам,
Ауыр булһа ла эштәрем,
Шул саҡтарҙы һағынам...
... Яр башынан шат балалар-
Рәхәтләнеп шыуалар,
Сана һөйрәп барған инем,
"Бабай, ҡайт," - тип ҡыуалар...
Йәмил Ҡотлогилдин.
Фото: yandex.ru.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
