-28 °С
Болотло
Бөтә яңылыҡтар
Илһам
19 Ғинуар , 09:41
Керәшен һыуыҡтары
Гәзит уҡыусы ижады: Йәмил Ҡотлогилдиндан шиғыр.
Керәшен һыуыҡтары
Ҡыштың ҡаты һыуыҡтары,
Айлы аяҙ иртәләр.
Йоҡламай хатта турғайҙар,
Тәҙ(е)рәгә сиртәләр.
Ауылымда ем-ем уттар
Ҡабына бер-бер артлы.
Хоҙайға шөкөр булһын,
Тағы ла таңдар атты.
Изге ғинуар айында
Керәшен һыуыҡтары.
Бик йылы кейенәйек,
Һаҡлайыҡ һаулыҡтарҙы.
Ғинуар тамамланһа,
Февралдең сираты.
Ватан һаҡлау байрамын
Ҡаршы алыр ир-аты.
Уның артынан инде
Көтөп алырбыҙ мартын,
Яҙҙың матур байрамын
Үткәрер барса ҡатын.
Ҡыштың ҡаты һыуығын
Түҙербеҙ беҙ, әлбиттә.
Һөйөнөслө йәшәйек,
Тормош бит дауам итә!
Йәмил ҠОТЛОГИЛДИН.
Фото: yandex.ru.
Новости партнеров
Гәзитебеҙ - дуҫыбыҙ
Хикәйәләр
Фильмдар
Күңелдәрҙең иләҫ-миләҫ сағы