+27 °С
Облачно
Илһам
5 Мая , 07:50
Көләс май
Дуҫыбыҙ Рәшиҙә Рәистән йырлап торған шиғыр килеп етте.
Көләс май
Килеп етте Яҙһылыуҙың
Кинйә ҡыҙы - көләс май.
Көттө ҡояш-бәпембәләр,
Көттө хатта күмәс ай.
Эй, көләс май, көләс май,
Беҙгә йылмай-май-май-май!
Майҙың нурлы көндәренә
Күңел йырлай-лай-лай-лай.
Майҙы көттө безәүкәйҙәр,
Сәскәләр, серәкәйҙәр.
Бал ҡорттары инде әҙер,
Эшкә тотонор хәҙер.
Яҙһылыуҙың кинйә ҡыҙын -
Майҙы көттө тәбиғәт.
Бөрөләрҙең асылыуы
Күңелгә бирә рәхәт.
Май айының майҙары ла
Сәләмәтлек һыйҙары,
Гөл-сәскәлә ҡырҙарым да,
Яңғырап тора йырҙарым.
Һәр күңелгә орлоҡ һалһын
Изгелеккә көләс май.
Нурға күмелһен донъялар,
Йылмай һин дә күмәс ай.
Рәшиҙә Рәис.
Л. Мәүлитова фотоһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
