Һалдаттарыбыҙға бүләктәр

Иҫке Итекәй ауылыныҡылар ҙа махсус хәрби операцияла ҡатнашыусыларға ярҙам ҡулы һуҙа. «Һалдатҡа – бүләк» акцияһына ҡушылып, яугирҙарға посылка оҙатты улар. Илүзә Мөҙәрис ҡыҙы Ғималетдинова етәкселегендә Фәйрүзә һәм Рәшит Исламоратовтар, Ғәлиә Бикҡолова, апалы-һеңлеле Ғәлиә һәм Гүзәл Миңлебаевалар, Хәмиҙә Макулова һәм Рәйфә Хәсәнова һалдаттарыбыҙға 30-ҙан артыҡ пар йылы ойоҡбаштар бәйләп, шәхси гигиена әйберҙәре, бирсәткәләр, татлы ризыҡ – сәксәк һәм башҡа кәрәк-яраҡ әйберҙәр һалынған һигеҙ ҙур ҡумтаны ирекмәндәр штабына тапшырҙы.
– Йөрәк түренән яҙылған хаттар, бүләк-күстәнәстәр һалдаттарыбыҙға барып етеп, уларға дәрт-көс өҫтәп, тиҙерәк еңеү яуларға, тыуған яҡтарына имен-һау ҡайтырға яҙһын! Беҙ бында, тыуған еребеҙҙә, уларҙы яратып, һағынып көтәбеҙ, – ти иҫке итекәйҙәр.
Әйткәндәй, был апай-инәйҙәр Яңы Итекәй ауылынан МХО-ла ҡатнашҡан яугирҙың улдары Руслан менән Ислам Харисовтарға «Йәншишмә» – гәзит-бүләк тә эшләне.

Рәйсә ИСЛАМҒОЛОВА,
башҡорт теле һәм әҙәбиәте уҡытыусыһы.
Ауырғазы районы, Талбазы ауылы лицейы.