Батыр егет иҫтәлегенә арнап

Ул төрлө йәштәге спортсыларҙы берләштерҙе: йәш саңғысыларҙан алып тәжрибәле ҡышҡы спорт төрөн һөйөүселәргә тиклем. Был ярыш көс һәм сыҙамлылыҡ һынауы ғына түгел, ә герой­ҙың батырлығына хөрмәт күрһәтеүҙең мөһим билдәһе лә булды. Әйткәндәй, уның ойоштороусыһы, бағыу­сыһы – Рәлис Мөҙәрис улы Мәхийәнов. Иң-иңдәрҙе иҫтәлекле бүләктәр көтә ине.
Рәлис Мөҙәрис улы әйтеүенсә, әлеге көндә төп маҡсат – Рәсәй хәрбиҙәренә ярҙам күрһәтеү һәм махсус хәрби операцияла һәләк булыусыларҙың яҡты иҫтәлеген һаҡлау, шулай уҡ йәштәрҙә Ватанға ҡарата яуаплылыҡ һәм илһөйәрлек той­ғоһо тәрбиәләү.
Фиништан һуң ярышта ҡатнашыу­сылар Боғҙан ауыл советы биләмәһенә ҡараған ауылдарҙан ирекмәндәр әҙерләнгән ҡайнар сәй һәм тәмле ҡоймаҡ менән һыйланды. Батырҙың әсәһе Гөлфирә Низаметдин ҡыҙы ойоштороу­сыларға улының иҫтәлегенә ярыш үткәреп, иғтибар бүлгәндәре өсөн рәхмәт белдерҙе. «Тиҙерәк һуғыш тамамланып, ир-егеттәребеҙҙең Тыуған яҡтарыбыҙға иҫән-һау әйләнеп ҡайтыуҙарын теләйем», – тип һүҙен тамамланы ул.

Зөһрә СӘЛИМЙӘНОВА.