Башҡортостандан 19 йәшлек ҡыҙ алғы һыҙыҡта яугирҙарҙы ҡотҡарған

Йәш ҡыҙ гуманитар ылау менән алғы һыҙыҡҡа барған. Унда, яугирҙарҙан беренсе медицина ярҙамы күрһәтә алырлыҡ кешеләрҙең аҙ булыуын ишеткәс, контракт төҙөгән.

"Вишня" подразделение эсендә уҡсы-санитар курсын үткән. Часы тарҡалғансы, ярты йыл МХО биләмәһендә хеҙмәт иткән. Ҡайтҡас та ул ярҙам күрһәтеүҙән туҡтамай. Яңыраҡ ҡыҙ райондың ирекмәндәр штабтары менән бергә ҡыҫҡа ваҡыт эсендә гуманитар ылау туплауҙы ойошторған.

Хәҙер "Вишня" әхирәте менән Өфөнөң уҡыу йорттарында ялан медицинаһы нигеҙҙәрен өйрәтә һәм яҙмышын кеше ғүмерен ҡотҡарыу менән бәйләү өсөн медицина колледжына уҡырға инергә йыйына.

"Бөгөн уға 19 йәш тулды. Ошо йәш кенә ҡыҙҙың күҙҙәрендә үҙ йәшенә хас булмаған өлкәндәрсә тәүәккәллекте күрәһең. Мөмкинлектән файҙаланып, мин уны тыуған көнө менән ҡотланым һәм ысын күңелдән бәхет, ныҡлы һаулыҡ һәм, әлбиттә, тыныс күк йөҙөн теләнем", – ти яҙа Николай Ельников.

Сығанаҡ һәм фото: Башҡортостаным | яңылыҡтар