Балаларға иң яҡыны
Булалыр ул әсәйҙәр.
Күңелебеҙ яраларын
Гел уңалтып йәшәйҙәр.
Әгәр өйҙә булмаһалар,
Ҡояш та юғалғандай.
Донъя йәме бөткән кеүек,
Көн дә моңһоуланғандай.
Әсәйемә бер ҡасан да
Насар һүҙҙәр әйтмәҫмен,
Йөрәген дә яраламам,
Күңелен һүрелтмәҫмен.
Әлдә һин бар, әсәкәйем,
Һинһеҙ күңелһеҙ миңә.
Рәхмәтемде нисек кенә
Әйтеп бөтәйем һиңә?
Әгәр ҙә йондоҙ һораһаң,
Менеп алып бирермен.
Әсәкәйем, оҙаҡ йәшә,
Һәр саҡ шат бул, ҡәҙерлем!